Daughter in law harassment case: যৌতুক বিচাৰি স্বামীগৃহত নিৰ্মম অত্যাচাৰ বোৱাৰীক

আমগুৰিৰ নামতিত সংঘটিত বোৱাৰী নিৰ্যাতনৰ ঘটনা (Wife Tortured by Husband) । স্বামীগৃহত নিৰ্যাতনৰ অভিযোগ ভুক্তভোগী বোৱাৰীৰ ৷ যৌতুকৰ বিচাৰি শাহুৱেকে বোৱাৰীৰ দেহত গৰম তেল ঢালি জ্বলাই দিয়াৰ অপচেষ্টা ৷

আমগুৰি, ২০ নৱেম্বৰ:ছোৱালী ! সৰুৰে পৰা এখন ঘৰত জন্ম লাভ কৰি মা-দেউতাকৰ বহু মৰমত ডাঙৰ দীঘল হয় প্ৰত্যকজনী ছোৱালী ৷ কিন্তু সেই আপোন ঘৰখনত এটা নিৰ্দিষ্ট সময়লৈকে হে থাকিব পাৰে ছোৱালীজনী ৷ কাৰণ এটা সময়ত আপোন মানুহবোৰক এৰি থৈ আন এখন ঘৰলৈ যাব লাগে ছোৱালীজনী ৷ তাৰ পিছত ছোৱালীজনীৰ সন্মুখত আহে এক ডাঙৰ প্ৰত্যাহ্বান ৷ আন এখন সম্পূৰ্ণ পৃথক ঘৰৰ পৰিৱেশত নিজকে প্ৰতিষ্ঠিত কৰি ঘৰ-সংসাৰ আৰম্ভ কৰিব লাগে ছোৱালীজনীয়ে ৷

মা-দেউতাকক এৰি বহু সপোন লৈ বিবাহপাশত আৱদ্ধ হয় এগৰাকী ছোৱালী ৷ কিন্তু সেই সপোন দিঠকত পৰিণত নহ’লে কাল অন্ধকাৰ নামি আহে ছোৱালীজনীৰ জীৱনলৈ ৷ স্বামীৰ মৰমৰ সলনি যদি অত্যাচাৰ পাবলগীয়া হয় ইয়াতকৈ আৰু বেদনাদায়ক কি হ’ব পাৰে ৷ শেহতীয়াকৈ আমগুৰিত সংঘটিত এক ঘটনাই ইয়াৰ জলন্ত উদাহৰণ (Husband tortured wife over dowry) ৷

এতিয়া আহিছো মূল কথালৈ, শেহতীয়াকৈ আমগুৰিৰ নামতিত সংঘটিত হৈছে বোৱাৰী নিৰ্যাতনৰ ঘটনা (Wife Tortured by Husband) । স্বামী গৃহত নিৰ্যাতনৰ অভিযোগ ভুক্তভোগী বোৱাৰীৰ ৷ যৌতুকৰ বিচাৰি শাহুৱেকে বোৱাৰীৰ দেহত গৰম তেল ঢালি জ্বলাই দিয়াৰ অপচেষ্টা ৷ "মোৰ শৰীৰত গৰম তেল ঢালি দিছে, ডিঙিত চেপা মৰাৰ উপৰিও চেণ্ডেলেৰে চৰিয়াই, মোৰ মুখত থু পেলাই দিয়ে আৰু কোঠাত আৱদ্ধ কৰি অকথ্য নিৰ্যাতন চলায় ৷" এই ভাষ্য মাত্ৰ ছমাহ পূৰ্বে বিবাহ পাশত আৱদ্ধ হোৱা এগৰাকী নিৰ্যাতিত বোৱাৰীৰ (Daughter in law harassment) ৷

ঘটনাৰ বিৱৰণী মতে, আমগুৰিৰ নামতিৰ যুৱতীগৰাকী ৬ মাহ পূৰ্বে সামাজিক ৰীতি-নীতিৰে মৰিয়নীৰ দেৱেৰাপাৰ অঞ্চলৰ ৰবিউল হুচেইনৰ পুত্ৰ আচিকুৰ হুচেইনৰ সৈতে বিবাহপাশত আৱদ্ধ হৈছিল ৷ আন সকলো ছোৱালীৰ দৰেই বিয়াৰ পিছত এটা ধুনীয়া সংসাৰ গঢ়ি তোলাৰ সপোন আছিল তাইৰো ৷ কিন্তু তাইৰ সপোন বাস্তৱত পৰিণত নহ’ল ৷ বিয়াৰ প্ৰথম অৱস্থাত সকলো ঠিকে ঠাকে আছিল৷ কিন্তু হঠাৎ সকলো সলনি হ’বলৈ ধৰিলে তাইৰ জীৱনত ৷ বিয়াৰ এমাহ পিছতেই যৌতুক বিচাৰি স্বামী গৃহই আৰম্ভ কৰে অত্যাচাৰ (Wife tortured at husband’s house for dowry) ৷ লাহে লাহে অত্যাচাৰ বাঢ়িব ধৰিলে তাইৰ জীৱনত ৷

প্ৰতিদিনাই যৌতুক বিচাৰি শাৰীৰিক আৰু মানসিক নিৰ্যাতন চলাই গৈছিল স্বামী আচিকুৰ হুছেইন লগতে শহুৰ ৰবিউল হুছেইন ,শাহু চাবিৰা বেগম আৰু ননদ চিমা বেগমে ৷ এটা সময়ত বোৱাৰীগৰাকীৰ ওপৰত অত্যাচাৰ ইমানেই বাঢ়ি গ’ল যে, শৰীৰত গৰম তেল ঢালি দি জ্বলাই দিয়াৰ চেষ্টা চলাই স্বামীগৃহই (Domestic violence case) ৷ ইমানতে ক্ষান্ত নাথাকি ডিঙিত চেপা মৰাৰ উপৰিও চেণ্ডেলেৰে কোবাই স্বামীগৃহই ৷

কোঠাত আৱদ্ধ কৰি প্ৰায়ে অকথ্য নিৰ্যাতন চলাই গৈছিল পাষণ্ড স্বামীয়ে ৷ আনকি বোৱাৰীৰ মোবাইল ফোনটোও কাঢ়ি নিছিল অত্যাচাৰী পৰিয়ালে ৷ মুঠৰ ওপৰত মাতৃৰ গৃহক যোগাযোগৰ সকলো পথ বন্ধ কৰি দিছিল ৷ এই অভিযোগ ভুক্তভোগী বোৱাৰীগৰাকীৰ ৷

অৱশেষত উপায়হীন হৈ বোৱাৰীগৰাকী নিজৰ প্ৰাণ ৰক্ষাৰ্থে দৌৰি গৈ উপস্থিত হৈছিল দেবেৰাপাৰ আৰক্ষী থানাত৷ আৰক্ষীক সকলো কথা তন্ন তন্ন এফালৰ পৰা কৈ যায় বোৱাৰীগৰাকীয়ে ৷ পিছত আৰক্ষীয়ে বোৱাৰীগৰাকীৰ মাতৃ গৃহক খবৰ দিয়াত পৰিয়ালৰ লোক থানাত উপস্থিত নামতিৰ গৃহলৈ লৈ যায় ৷ ইফালে অত্যাচাৰী পৰিয়ালটোৰ বিৰুদ্ধে ইতিমধ্যেই থানাত ৰুজু হৈছে গোচৰ ৷ গোচৰৰ ভিত্তিত আৰক্ষীয়ে আৰম্ভ কৰিছে তদন্ত ৷ ইফালে দস্যুৰূপী পৰিয়ালটোৰ বিৰুদ্ধে কঠোৰ শাস্তি বিচাৰিছে বোৱাৰীগৰাকীয়ে (Daughter in law suffers from dowry harassment) ৷

উল্লেখ্য যে, নাৰীৰ ওপৰত অত্যাচাৰ, নির্যাতন আদি প্ৰসংগক লৈ চৰকাৰ তথা বিভিন্ন বেচৰকাৰী সংস্থাসমূহে বিভিন্ন সজাগতামূলক কাৰ্যসূচীৰ জৰিয়তে জনসাধাৰণক সচেষ্ট কৰাৰ বাবে প্ৰচেষ্টা অব্যাহত ৰাখিছে ৷ কিন্তু ইয়াৰ পাছতো সুৰক্ষিত হ’ব পৰা নাই নাৰী ৷

লগতে পঢ়ক:শিশুক ধৰ্ষণ কৰি ৰঙাঘৰৰ আলহী 55 বছৰীয়া ব্যক্তি