আমগুৰি, ৩১ ডিচেম্বৰ: ক'ৰণাসৃষ্ট পৰিৱেশৰ বাবে বিগত কেইবামাহো ধৰি বন্ধ হৈ আছিল ৰাজ্যৰ শিক্ষানুষ্ঠানসমূহ । শেহতীয়াকৈ শিক্ষামন্ত্ৰী ড০ হিমন্ত বিশ্ব শৰ্মাই নৱবৰ্ষৰ প্ৰথম দিনটোৰ পৰাই সকলো নিম্ন প্ৰাথমিক, উচ্চ প্ৰাথমিকৰ লগতে সকলো বিদ্যালয় খোলাৰ নিৰ্দেশ দিছে । এই নিৰ্দেশ অনুসৰি পুনৰ পূৰ্বৰ দৰে পাঠদান আৰম্ভ কৰিবলৈ সাজু হৈছে শিক্ষানুষ্ঠান কৰ্তৃপক্ষ ।
হালোৱাটিঙত চেনিটাইজ কৰা হৈছে বিদ্যালয়ৰ শ্ৰেণীকোঠা তথা চৌহদ - পহিলা জানুৱাৰীৰ পৰা খোলা হ'ব শিক্ষানুষ্ঠানসমূহ
২০২১ৰ পহিলা জানুৱাৰীৰ পৰা খোলা হ'ব ৰাজ্যৰ শিক্ষানুষ্ঠানসমূহ । COVID-19ৰ সংক্ৰমণৰ পৰা ছাত্ৰ-ছাত্ৰী, শিক্ষক-শিক্ষয়িত্ৰীক সুৰক্ষা দিয়াৰ ক্ষেত্ৰত সাৱধনতা অৱলম্বন কৰাৰ বাবে চেনিটাইজ কৰা হৈছে বিদ্যালয়সমূহ । শিৱসাগৰৰ হালোৱাটিঙতো আমগুৰি কিষাণ মৰ্চাৰ উদ্যোগত প্ৰায়বোৰ বিদ্যালয়ৰ শ্ৰেণীকোঠা, চৌহদ চেনিটাইজ কৰা হৈছে ।
শিৱসাগৰৰ হালোৱাটিঙত চেনিটাইজ কৰা হৈছে বিদ্যালয়ৰ শ্ৰেণীকোঠা, চৌহদ
ৰাজ্যৰ আন প্ৰান্তৰ লগতে বৃহস্পতিবাৰে শিৱসাগৰৰ আমগুৰি সমষ্টিৰ হালোটিঙত আমগুৰি কৃষাণ মৰ্চাৰ উদ্যোগত অঞ্চলটোৰ বান্দৰীজান প্ৰাথমিক বিদ্যালয়কে ধৰি প্ৰায়বোৰ বিদ্যালয়তে চেনিটাইজেছনৰ ব্যৱস্থা কৰা হয় । শিক্ষানুষ্ঠানলৈ নিজৰ সন্তানক পঠিয়াবলৈ যাতে অভিভাৱকসকলে শংকিত নহয়, তাৰ বাবে বিদ্যালয়ৰ চৌহদ, শ্ৰেণীকোঠা সকলো চেনিটাইজ কৰা হয় ।
লগতে পঢ়ক:অসাৱধানতবশতঃ গুলিবিদ্ধ হৈ আঘাতপ্ৰাপ্ত দুই আৰক্ষী জোৱান