ৰে'লেৰে গৈ থকা অৱস্থাতে সন্ধানহীন আমগুৰিৰ দুই যুৱক

৩০ নৱেম্বৰত ৰে'লেৰে মহাৰাষ্ট্ৰৰ নাগপুৰলৈ গৈ থকা অৱস্থাতে সন্ধানহীন হৈছে যুৱক দুজন ৷ কোনো দুষ্টচক্ৰৰ কৱলত পৰাৰ সন্দেহ কৰিছে পৰিয়ালৰ লোকে।

আমগুৰি, ৬ ডিচেম্বৰঃ শিৱসাগৰ জিলাৰ আমগুৰিৰ দুজনকৈ যুৱক সন্ধানহীন ৷ মহাৰাষ্ট্ৰলৈ ৰে'লেৰে গৈ থকা অৱস্থাতে সন্ধানহীন হৈছে যুৱক দুজন ৷

আমগুৰি বছাশয়ক গাঁৱৰ অসীম গগৈ (৩৬), আৰু পৰাগ বৰগোঁহাই (৩৮) ৩০ নৱেম্বৰত ৰেলেৰে মহাৰাষ্ট্ৰৰ নাগপুৰলৈ গৈ থকা অৱস্থাতে সন্ধানহীন হৈছে ৷ পৰিয়ালৰ সৈতে ৩ ডিচেম্বৰৰ লৈকে যোগাযোগ আছিল যদিও যোৱা তিনিদিন ধৰি কোনোধৰণৰ যোগাযোগ নাই যুৱক দুজনৰ ৷ ৰে'লেৰে যাঁওতে কোনো দুষ্টচক্ৰৰ কৱলত পৰাৰ সন্দেহ কৰিছে পৰিয়ালৰ লোকে। ঘটনা সন্দৰ্ভত ইতিমধ্যে পৰিয়ালৰ লোকে স্থানীয় হালোৱাটিং আৰক্ষী আৰু শিমলুগুৰি ৰে'ল বিভাগক লিখিত অভিযোগ দাখিল কৰিছে।

উল্লেখ্য যে, সন্ধানহীন হোৱা যুৱক দুজনে নাগপুৰত চিকিৎসাধীন হৈ থকা একে গাঁৱৰে পাৰ্থ প্ৰতিম বৰগোহাঁই নামৰ এজন যুৱকক ঘৰলৈ আনিবৰ বাবে ৰে'লেৰে যোৱা অৱস্থাতে সন্ধানহীন হৈ আছে ৷ কোনোৱে যদি উক্ত যুৱক দুজনৰ সন্ধান পায় তেন্তে পৰিয়ালৰ সৈতে যোগাযোগ কৰিবলৈ আহ্বান জনাইছে ৷

লগতে পঢ়ক- শ্বিলঙত গ্ৰেপ্তাৰ গাড়ী চোৰ চক্ৰ