কেইবাটাও দাবীৰে নলবাৰীত বজৰংগ দলৰ প্ৰতিবাদ

বৃহস্পতিবাৰে নলবাৰীৰ হৰি মন্দিৰৰ পৰা বাটাৰ চকলৈ এক প্ৰতিবাদী সমদল উলিয়ায় বজৰংগ দলৰ সদস্য সকলে ৷ বাটাৰ চকত চীনা পতাকা দাহ কৰি,চীনা সামগ্ৰী বৰ্জনৰ লগতে সমসাময়িক হত্যাকাণ্ডৰ লগত জড়িত দোষীক শাস্তি প্ৰদানৰ দাবী জনায় দলটোৱে ৷

নলবাৰী, 18 জুনঃঅসমত হৈ থকা ধাৰাবাহিক হত্যাকাণ্ড আৰু চীনে ভাৰত আক্ৰমণ কৰাৰ প্ৰতিবাদত বৃহস্পতিবাৰে নলবাৰীৰ হৰি মন্দিৰৰ পৰা বাটাৰ চকলৈ এক প্ৰতিবাদী সমদল উলিয়ায় বজৰংগ দলৰ সদস্য সকলে ৷ সনাতন ডেকা,ঋতূপৰ্ণ পেগুৰ হত্যাকাৰীত কঠোৰ শাস্তি প্ৰদানৰ লগতে বাটাৰ চকত চীনা পতাকা দাহ কৰি,চীনা সামগ্ৰী বৰ্জনৰ দাবী জনায় দলটোৱে ৷

আনহাতে মুখ্যমন্ত্ৰী সৰ্বানন্দ সোণোৱালে গৃহ বিভাগৰ দায়িত্ব লোৱাৰ ক্ষেত্ৰত ব্যৰ্থ হোৱা বুলিও উল্লেখ কৰে প্ৰতিবাদকাৰীয়ে ৷ মুখ্যমন্ত্ৰী গৰাকীৰ বিৰুদ্ধে এনে অভিযোগ উত্থাপন কৰি তেওঁক পদত্যাগ কৰিবলৈয়ো দাবী জনায় দলৰ সদস্যসকলে ৷

লগতে পঢ়কঃমিছামাৰীত অসম পেট্ৰেলিয়াম মজদুৰ ইউনিয়নৰ প্ৰতিবাদঃ আবদ্ধ তেল সৰবৰাহ কৰা টেংকাৰ