নলবাৰী,31 মে':শেহতীয়াকৈ নলবাৰীত ক’ভিড আক্ৰান্তৰ বিপৰীতে বৃদ্ধি পাইছে আৰোগ্যৰ হাৰ ৷ এয়া নিসন্দেহে জিলাবাসীৰ বাবে এক সুখবৰ ৷ কিন্তু তাৰমাজতো ভাইৰাছবিধৰ দ্বাৰা আক্ৰান্ত হৈ চিকিৎসা গ্ৰহণ কৰি আছে একাংশ লোকে ৷ আন একাংশ আছে আকৌ হোম কোৱাৰেণ্টাইনত ৷
জিলাখনৰ বিভিন্ন প্ৰান্তৰ আক্ৰান্তসকলক সহায়ৰ বাবে আগবাঢ়ি আহিল জৈন সমাজৰ লগতে সদৌ নলবাৰী জিলা ছাত্র সন্থা ৷ জিলাখনৰ বালিতাৰা, কটৰা, ক্ষুদ্ৰ বিষ্টুপুৰ, চেংনৈ গাঁৱৰ প্ৰায় 50 টা ক'ভিড আক্ৰান্ত পৰিয়ালক চাউল, আলু, দাইল, মিঠাতেল, পিঁয়াজ, বিস্কুট, চাবোন, চেনিটাইজাৰ আৰু মাস্ক বিতৰণ কৰে সংগঠন দুটাই ৷