নলবাৰীত পথ দুৰ্ঘটনা:নিহত এজন

নলবাৰীত সোমবাৰে নিশা সংঘটিত হয় ভয়ংকৰ পথ দুৰ্ঘটনা ৷ দুৰ্ঘটনাটোত এজন নিহত হোৱাৰ লগতে আহত হয় আন এজন যুৱক ৷ যুৱক দুজনৰ পৰিচয় বৰ্তমানেও জানিব পৰা হোৱা নাই ৷

নলবাৰী,6অক্টোবৰ: সোমবাৰে নিশা নলবাৰীত সংঘটিত হয় এক ভয়ংকৰ পথ দুৰ্ঘটনা ৷ দুৰ্ঘটনাটোত থিতাতে এজন যুৱক নিহত হোৱাৰ লগতে আহত হয় আন এজন যুৱক ৷

উল্লেখ্য যে, সোমবাৰে নিশা নলবাৰী হৰিমন্দিৰৰ সমীপৰ এটি পথত AS14J/5899 নম্বৰৰ এখন বাইকেৰে দুজন যুৱক আহি আছিল ৷ তীব্ৰ গতিৰে আহি থকাৰ সময়তে হঠাতে নিয়ন্ত্ৰণ হেৰুৱাই পথৰ দাঁতিত পৰি থকা বিদ্যুতৰ খুটাৰ ওপৰত বাগৰি পৰে যুৱক দুজন ৷ যাৰ ফলত থিতাতে এজন যুৱক নিহত হোৱাৰ লগতে গুৰুতৰ ভাৱে আহত আন এজন যুৱক ৷ আহত যুৱকজনক অতি সংকটজনক অৱস্থাত নলবাৰী শ্বহীদ মুকুন্দ কাকতি অসামৰিক চিকিৎসালয়লৈ প্ৰেৰণ কৰা হয় ৷

ইফালে,আহত আৰু নিহত যুৱক দুজনৰ পৰিচয় বৰ্তমানেও জানিব পৰা হোৱা নাই ৷ আৰক্ষীয়ে এই সন্দৰ্ভত অব্যাহত ৰাখিছে তদন্ত ৷

অন্য এক খবৰৰ বাবে: কলগাছিয়া থানাৰ ভাৰপ্ৰাপ্ত বিষয়াৰ নেতৃত্বত ক’লা ব্যৱসায় !