কামপুৰৰ বৰপানী নৈত মৃতদেহ উদ্ধাৰ

বৃহস্পতিবাৰে নিশা কামপুৰৰ বৰপানী নৈত বাবুল বানাই নামৰ লোকজনৰ মৃতদেহ উদ্ধাৰ কৰে স্থানীয় ৰাইজে ৷ মৃত লোকজনে পুৱা পথাৰত হাল মাৰি বৰপানী নৈত হাত-ভৰি ধুবলৈ গৈ সন্ধানহীন হোৱা বুলি জানিব পৰা গৈছে ৷

বঢ়মপুৰ, 31 জুলাই : নগাঁৱৰ কামপুৰৰ বৰপানী নৈত বৃহস্পতিবাৰে নিশা উদ্ধাৰ হৈছে এটা মৃতদেহ ৷ উদ্ধাৰ হোৱা মৃতদেহটো বৰবিলৰ বাবুল বানাইৰ বুলি চিনাক্ত কৰা হৈছে ৷

জানিব পৰা মতে, বৃহস্পতিবাৰে পুৱা পথাৰত হাল মাৰি বৰপানী নৈত হাত-ভৰি ধুবলৈ গৈ সন্ধানহীন হৈছিল লোকজন ৷ বিয়লি স্থানীয় লোকে প্ৰত্যক্ষ কৰি নৈত ওপঙি থকা অৱস্থাত উদ্ধাৰ কৰে বাবুল বানাইক ৷ ঘটনাস্থলীত কচুৱা আৰক্ষী উপস্থিত হৈ ইতিমধ্যে মৃতদেহটো মৰণোত্তৰ পৰীক্ষাৰ বাবে প্ৰেৰণ কৰিছে ৷

লগতে পঢ়ক :ডিব্ৰুগড়ত 300 খন বিচনাযুক্ত ক’ভিড কেয়াৰ চেণ্টাৰ নিৰ্মাণ