নলবাৰী, 1 ডিচেম্বৰ : বুধবাৰে নলবাৰীৰ দক্ষিণ গাঁৱত নিৰ্মাণৰত অৱস্থাত থকা নলবাৰী মেডিকেল কলেজ হাস্পতাল পৰিদৰ্শন কৰে মুখ্যমন্ত্ৰী ড৹ হিমন্ত বিশ্ব শৰ্মাই (Chief Minister Dr. Himanta Biswa Sharma) । মেডিকেল কলেজ হাস্পতাল পৰিদৰ্শন কৰি কামৰ অগ্ৰগতিৰ বুজ লয় মুখ্যমন্ত্ৰীয়ে (CM Visit Nalbari Medical College Hospital)৷
উল্লেখ্য যে, চিকিৎসা মহাবিদ্যালয়খন পৰিদৰ্শন কৰি মুখ্যমন্ত্ৰীয়ে কয় যে, নলবাৰী চিকিৎসা মহাবিদ্যালয়ত ২০২২ চনৰ পৰা আৰম্ভ হ'ব OPD সেৱা ৷ আনহাতে, ২০২৩ ৰ পৰা নামভৰ্তি কৰিব পাৰিব শিক্ষাৰ্থী সকলে ৷
অতি সোনকালে আৰম্ভ হ'ব নলবাৰী চিকিৎসা মহাবিদ্যালয়ৰ OPD সেৱা
প্ৰথমে ৬০০ ৰোগীৰ চিকিৎসাৰ ব্যৱস্থা থাকিব চিকিৎসা মহাবিদ্যালয়খনত ৷ লগতে প্ৰথমে চিকিৎসা সেৱাত ১০০ গৰাকীকৈ ছাত্ৰ-ছাত্ৰীয়ে নামভৰ্তি কৰিব পাৰিব । তদুপৰি ১০০ খন ICU বিচনাৰ ব্যৱস্থা থাকিব বুলি সাংবাদিকৰ আগত মন্তব্য প্ৰকাশ কৰে ৰাজ্যৰ মুখ্যমন্ত্ৰী গৰাকীয়ে ৷