কলিয়াবৰ, 27 ছেপ্তেম্বৰ: শুকুৰবাৰে বিশ্ব পৰ্যটন দিৱস উপলক্ষে কলিয়াবৰত অসম চৰকাৰৰ সাংস্কৃতিক পৰিক্ৰমা দপ্তৰৰ প্ৰত্নতত্ব সঞ্চালকালয়ৰ উদ্যোগত তথা কলিয়াবৰ মহকুমা প্ৰশাসনৰ সহযোগত আমনিস্থিত ৰাজ্যিক পঞ্চায়ত আৰু গ্ৰামোন্নয়ন প্ৰতিষ্ঠানৰ প্ৰেক্ষাগৃহত অনুষ্ঠিত হৈ যায়, "ঐতিহ্য সজাগতা অনুষ্ঠান, 2019"৷ অনুষ্ঠানটিত মুখ্য অতিথি ৰূপে অংশগ্ৰহণ কৰে স্থানীয় বিধায়ক তথা অসম চৰকাৰৰ জল সম্পদ, বিজ্ঞান আৰু প্ৰযুক্তি তথা সাংস্কৃতিক দপ্তৰৰ মন্ত্ৰী শ্ৰী কেশৱ মহন্তই ৷ নিজৰ ভাষণত তেওঁ কলিয়াবৰৰ প্ৰত্নতত্ব, ঐতিহাসিক সমলসমূহক সংৰক্ষণ আৰু সংবৰ্দ্ধনৰ জৰিয়তে পৰ্যটনৰ কেন্দ্ৰ ৰূপে গঢ়ি তোলাৰ পোষকতা কৰে ৷
বিশ্ব পৰ্যটন দিৱস: কলিয়াবৰত "ঐতিহ্য সজাগতা অনুষ্ঠান, 2019" সম্পন্ন