জটিল ৰোগত আক্ৰান্ত কঠিয়াতলীৰ এগৰাকী মেধাৱী ছাত্ৰী

হাওঁফাওঁৰ জটিল ৰোগত আক্ৰান্ত নগাঁও কঠিয়াতলীৰ প্ৰিয়ংকা বনিয়া নামৰ এগৰাকী মেধাৱী ছাত্ৰী ৷ চিকিৎসাৰ বাবে মুখ্যমন্ত্ৰী, স্বাস্থ্যমন্ত্ৰী তথা হৃদয়ৱান লোকলৈ সহায়ৰ আহ্বান প্ৰিয়ংকাৰ পিতৃ মাতৃৰ ৷ কোনোৱে যদি প্ৰিয়ংকাক এধানি সহায় কৰিব বিচাৰে তেন্তে SBI নগাঁও হয়বৰগাঁও শাখাৰ A/C= 37016413633 IFSC= SBIN0005914 ত আৰ্থিক সাহাৰ্য আগবঢ়াব পাৰে । নাইবা 9746970823/ 9678155125 নম্বৰত যোগাযোগ কৰিব পাৰে ।

বঢ়মপূৰ, 6 জুন : নগাঁও জিলাৰ কঠিয়াতলী গৰুবন্ধাৰ এগৰাকী কিশোৰী । মনত তাইৰ দুৰ্বাৰ হেঁপাহ । সপোন তাইৰ বাণিজ্য শাখাত সুখ্যাতিৰে উত্তীৰ্ণ হৈ নিজকে সংস্থাপিত কৰা । কিন্তু সপোনবোৰ বাস্তৱ কৰিবলৈ তাই যেন থমকি ৰ’বলগীয়া হৈছে । নগাঁও মহাবিদ্যালয়ৰ বাণিজ্য শাখাত অধ্যয়নৰত কঠিয়াতলীৰ এই মেধাৱী ছাত্ৰীগৰাকী আক্ৰান্ত হৈছে হাওঁফাওঁৰ জটিল ৰোগত ।

কঠিয়াতলী গৰুবন্ধাৰ সদানন্দ বনিয়া আৰু জ্যোতি বনিয়াৰ সন্তান প্ৰিয়ংকা বনিয়াৰ হাওঁফাওঁত সৃষ্টি হৈছে ঘাঁ । চিকিৎসকৰ পৰামৰ্শ মতে কোম্পানীত কাম কৰি পোৱা সামান্য টকা কেইটাৰে দেউতাকে প্ৰিয়ংকাৰ চিকিৎসা কৰাই আহিছে যদিও কোনো সুফল পোৱা নাই । প্ৰিয়ংকাক সুস্থ কৰি তুলিবলৈ চিকিৎসকে চেন্নাইৰ চিকিৎসালয়ত ভৰ্তি কৰাই অস্ত্ৰোপ্ৰচাৰ কৰাৰ পৰামৰ্শ দিছে, যাৰ বাবে প্ৰয়োজন ৯ লক্ষাধিক টকাৰ । কোনোমতে দুবেলা দুসাঁজ খাই জীৱন নিৰ্বাহ কৰা পিতৃ মাতৃৰ মূৰত যেন সৰগ ভাঙি পৰিছে ।

সেয়েহে অসমৰ মুখ্যমন্ত্ৰী, স্বাস্থ্যমন্ত্ৰী তথা হৃদয়ৱান লোকলৈ প্ৰিয়ংকাৰ লগতে পিতৃ মাতৃৰ কাতৰ অনুৰোধ, তাইৰ সপোনবোৰ বাস্তৱ কৰিবলৈ আপোনালোকে যেন আগবাঢ়ি আহে । কোনোৱে যদি প্ৰিয়ংকাক এধানি সহায় কৰিব বিচাৰে তেন্তে SBI নগাঁও হয়বৰগাঁও শাখাৰ A/C= 37016413633 IFSC= SBIN0005914 ত আৰ্থিক সাহাৰ্য আগবঢ়াব পাৰে । নাইবা 9746970823/ 9678155125 নম্বৰত যোগাযোগ কৰিব পাৰে ।

লগতে পঢ়ক:ডঃ দিব্যজ্যোতি শইকীয়ালৈ ৰাষ্ট্ৰীয় গৌৰৱ বঁটা