বন্ধৰ দিশে স্বাস্থ্য বিভাগৰ নিৰ্দেশ অমান্য কৰা ব্যৱসায়িক প্ৰতিষ্ঠান

নগাঁৱত বন্ধ হ’ব স্বাস্থ্য বিভাগৰ নীতি-নিয়ম নমনা ব্যৱসায়িক প্ৰতিষ্ঠান ৷ মাস্ক পৰিধান নকৰা আৰু স্বাস্থ্য বিভাগৰ নীতি নিয়ম নমনা প্ৰতিষ্ঠানসমূহৰ বিৰুদ্ধে কঠোৰ অভিযান নগাঁও আৰক্ষীৰ ৷

নগাঁও,10 জুলাই:কৰ’ণা ভাইৰাছত আক্ৰান্ত ৰোগীৰ সংখ্যা ভয়ানকভাৱে বৃদ্ধি পোৱাত কঠোৰ হৈ পৰিছে নগাঁও আৰক্ষী ৷ আৰক্ষীয়ে মাস্ক পৰিধান নকৰি সামাজিক দুৰত্বক আওকাণ কৰি নগাঁৱৰ বজাৰত ভিৰ কৰা একাংশৰ প্ৰতি কঠোৰ ভূমিকা গ্ৰহণ কৰিছে আৰক্ষীয়ে ৷ বিগত সময়ত এই সম্পৰ্কে সংবাদ মাধ্যমত বাতৰি সম্প্ৰচাৰ হোৱাৰ পিছত চহৰখনৰ বিভিন্ন প্ৰান্তত অভিযান আৰম্ভ কৰিছে আৰক্ষীয়ে ।

নগাঁও আৰক্ষীৰ উপ-আৰক্ষী অধীক্ষক মানস শইকীয়াৰ নেতৃত্বত নগৰ আৰক্ষীয়ে মাস্ক পৰিধান নকৰা লোকক 500 টকাকৈ জৰিমনা বিহা শুকুৰবাৰে পৰিলক্ষিত হৈছে । ইয়াৰোপৰি চহৰখনৰ দোকানে-দোকানে অভিযান চলাই আৰক্ষীৰ দলটোৱে সামাজিক দুৰত্ব নমনা, হাত ধোৱা আৰু চেনিটাইজাৰৰ ব্যৱস্থা নৰখা প্ৰতিষ্ঠানসমূহ বন্ধ কৰিব বুলি ঘোষণা কৰে ৷

লগতে চাওকঃমুকালমুৱাৰ দুই পৃথক স্থানত চুৰিকাণ্ড