নগাঁৱৰ আলিটাঙনিত গণৰাজ্য দিৱস উদযাপন

৭২ সংখ্যক গণৰাজ্য দিৱস উপলক্ষে নগাঁৱৰ আলিটাঙনিত বৰ্ণাঢ্য কাৰ্যসূচীৰ আয়োজন । গণৰাজ্য দিৱস উপলক্ষে সাংস্কৃতিক শোভাযাত্ৰা উলিওৱা হয় । নেহেৰু যুৱকেন্দ্ৰৰ উদ্যোগত স্থানীয় স্বেচ্ছাসেৱী সংগঠন, আলিটাঙনি আদৰ্শ জাতীয় বিদ্যালয় আৰু স্থানীয় সংবাদ কর্মীৰ সহযোগত গণৰাজ্য দিৱসৰ অনুষ্ঠান আয়োজন ।

চামগুৰি, ২৬ জানুৱাৰী: আজি সমগ্ৰ দেশৰ লগতে অসমতো পালন কৰা হৈছে ৭২ সংখ্যক গণৰাজ্য দিৱস । গণৰাজ্য দিৱসৰ লগত সংগতি ৰাখি ঠায়ে ঠায়ে বাৰেৰহনীয়া সাংস্কৃতিক অনুষ্ঠানৰো আয়োজন কৰা হয় । নগাঁৱৰ অলিটাঙনিত গণৰাজ্য দিৱস উপলক্ষে বৰ্ণাঢ্য শোভাযাত্ৰা উলিওৱা হয় । নেহেৰু যুৱকেন্দ্ৰৰ উদ্যোগত স্থানীয় স্বেচ্ছাসেৱী সংগঠন, আলিটাঙনি আদৰ্শ জাতীয় বিদ্যালয় আৰু স্থানীয় সংবাদ কর্মীৰ সহযোগত এই সাংস্কৃতিক শোভযাত্ৰা উলিওৱা হয় ।

শোভাযাত্ৰা উলিওৱাৰ পূৰ্বে পতাকা উত্তোলন কৰা হয় । যি সময়ত সাম্প্ৰদায়িক মন্তব্যক লৈ একাংশ ৰাজনৈতিক নেতাই ভোটৰ অংক মিলোৱাৰ ৰাজনীতি কৰি আছে তেনে সময়ত সংখ্যালঘু অঞ্চলত অসমীয়া কলা-কৃষ্টি প্ৰদৰ্শন কৰি আয়োজন কৰা এই সাংস্কৃতিক শোভাযাত্ৰাই সমন্বয়ৰ ছবি দাঙি হৈছে । সাম্প্ৰদায়িক ভেদ-ভাৱ আঁতৰ কৰি আজি সংবিধান বলৱৎ হোৱাৰ দিনটো উলহ-মালহেৰে উদযাপন কৰিলে অলিটাঙনিৰ ৰাইজে ।

লগতে পঢ়ক:ধেমাজিত জিলা প্ৰশাসনৰ উদ্যোগত গণৰাজ্য দিৱস উদযাপন