নিউজ ডেস্ক, 13 জুলাই : দেওবাৰে বিজেপিৰ প্ৰতি ক্ষোভ প্ৰকাশ কৰি দলৰ পৰা অব্যাহতি লোৱাৰ কথা ঘোষণা কৰা জ্যেষ্ঠ বিজেপি নেতা তথা হোজাইৰ বিধায়ক শিলাদিত্য দেৱক পুনৰ দললৈ উভতাই আনিবলৈ মুখ্যমন্ত্ৰীৰ লগতে বিজেপিৰ কেবাজনো জ্যেষ্ঠ নেতাক আহ্বান নগাঁও লোকসভা সমষ্টিৰ প্ৰাক্তন সাংসদ ৰাজেন গোহাঁইৰ।
সততে বিতৰ্কিত মন্তব্য কৰি সংবাদ শিৰোনাম দখল কৰি থকা হোজাই বিধানসভা সমষ্টিৰ বিধায়ক শিলাদত্য দেৱে ৷ বিধায়কগৰাকীয়ে বিজেপিৰ পৰা অৱসৰ ল'ব বুলি কৰা ঘোষণাৰ পাছতে সামাজিক মাধ্যমযোগে প্ৰাক্তন কেন্দ্ৰীয় ৰাজ্যিক মন্ত্ৰী তথা নগাঁও লোকসভা সমষ্টিৰ সাংসদ ৰাজেন গোঁহাইয়ে বিধায়ক শিলাদিত্য দেৱে দলৰ পৰা অব্যাহতি ঘোষণা কৰা বিষয়টোত দুখ প্ৰকাশ কৰে ৷ লগতে আগন্তুক 2021 ৰ বিধানসভা নিৰ্বাচনৰ পূৰ্বে বিধায়কগৰাকীৰ এই সিদ্ধান্তই দললৈ এক অশনি সংকেত কঢ়িয়াই আনিছে বুলিও উল্লেখ কৰে ৷