নগাঁও, 28 ডিচেম্বৰ:নগাঁৱৰ এছ আৰ কে কনিষ্ঠ মহাবিদ্যালয়ৰ অধ্যক্ষ জাকিৰ হুছেইনৰ বিৰুদ্ধে শিক্ষাৰ নামত জালিয়াতি সংঘটিত কৰা অভিযোগ ৷ ডি এল এড পাঠ্যক্ৰমৰ নামত ছাত্ৰ ছাত্ৰীক চূড়ান্ত প্ৰতাৰণা কৰাৰ অভিযোগ উত্থাপন হৈছে অধক্ষ্য গৰাকীৰ বিৰুদ্ধে ৷ যাৰ পৰিপেক্ষিতত ডি এল এডৰ নামত দিয়া ধন উভতাই বিচাৰি মহাবিদ্যালয় খনৰ সন্মুখত প্ৰতিবাদ সাব্যস্ত কৰিছে ছাত্ৰ ছাত্ৰী সকলে ৷
নগাঁৱৰ এছ আৰ কে কণিষ্ঠ মহাবিদ্যালয়ৰ অধ্যক্ষৰ বিৰুদ্ধে শিক্ষাৰ্থীৰ প্ৰতিবাদ উল্লেখ্য যে, ডি এল এডৰ নামভৰ্তি আৰু পৰীক্ষা অনুষ্ঠিত কৰাৰ নামত ছাত্ৰ ছাত্ৰীৰ পৰা বৃহৎ পৰিমাণৰ ধন সংগ্ৰহ কৰাৰ পিছত পোহৰলৈ আহে সমগ্ৰ জালিয়াতি ৷ ইতিমধ্যে ছাত্ৰ ছাত্ৰীৰ পৰা সংগ্ৰহ কৰা ধন উভতাই দিয়াৰ লিখিত প্ৰতিশ্ৰুতিও প্ৰদান কৰিছিল মহাবিদ্যালয়খনৰ অধ্যক্ষ জাকিৰ হুছেইনে ৷ কিন্তু ধন উভতাই দিয়াৰ বাবে ছাত্ৰ ছাত্ৰীৰ পৰা লোৱা সময়ৰ ম্যাদ উকলি যোৱাত সোমবাৰে মহাবিদ্যালয়খনত ছাত্ৰ ছাত্ৰী সকল উপস্থিত হৈ সাব্যস্ত কৰে উত্তাল প্ৰতিবাদ ৷
লগতে পঢ়কঃদীৰ্ঘ বিৰতিৰ মূৰত ভাৰতীয় জাতীয় কংগ্ৰেছলৈ প্ৰত্যাৱৰ্তন ডাঃ তাৰাপ্ৰসাদ দাসৰ
