নগাঁও, 10 ছেপ্তেম্বৰ:বৃহস্পতিবাৰে নগাঁৱত শুভাৰম্ভণি কৰা হয় পোষণ মাহ ২০২০ৰ ৷ নগাঁও জিলা উপায়ুক্ত কাৰ্যালয়ৰ সভাকক্ষত বৃহস্পতিবাৰে উপায়ুক্ত কবিতা পদ্মনাভণৰ সভাপতিত্বত অনুষ্ঠিত হয় পোষণ মাহ ২০২০ৰ শুভাৰম্ভণি অনুষ্ঠান ৷ শুভাৰম্ভণি অনুষ্ঠানটোত মুখ্য অতিথি হিচাপে উপস্থিত থাকে স্থানীয় বিধায়ক ৰূপক শৰ্মা ৷
পুষ্টিহীনতাত ভোগা শিশুসকলক চিনাক্ত কৰাৰ লগতে,মহিলাসকলো যাতে পুষ্টিহীনতাত ভুগিব নালাগে তাৰ প্ৰতি সজাগতা সৃষ্টি কৰি যাৱতীয় ব্যৱস্থা গ্ৰহণ কৰাৰ বিষয়ে উল্লেখ কৰে জিলা উপায়ুক্ত কবিতা পদ্মনাভণে ৷ ইয়াৰোপৰি প্ৰতিটো অংগনবাদী কেন্দ্ৰতে শাক-পাচলি আৰু ফল-মূলৰ বাগিছা এখন নিৰ্মাণ কৰাৰ ক্ষেত্ৰত গুৰুত্ব আৰোপ কৰে জিলা উপায়ুক্ত গৰাকীয়ে ৷
লগতে পঢ়ক:উদ্যোগৰ আৱৰ্জনাই অশনি সংকেত কঢ়িয়াইছে কৃষিক্ষেত্ৰলৈ
