নগাঁৱৰ বটদ্ৰৱাত অবিৰতভাবে চলিছে মুকলি জুৱাঃ নীৰৱ আৰক্ষী প্ৰশাসন

মহাবিদ্যালয়ৰ ছাত্ৰও নামিছে জুৱা খেলত

নগাঁও,২৯ মাৰ্চঃবটদ্ৰৱাত দিন দুপৰতে চলিছে মুকলিকৈ লাখ লাখ টকাৰ জুৱা খেল । অবিৰতভাৱে মুকলি জুৱাৰ ফলত ধ্বংসৰ গৰাহত স্কুল কলেজৰ ছাত্র । সকলো দেখিও চকু মুদা কুলিৰ ভাওঁ জুৰি আছে নগাঁও জিলা পুলিচ প্ৰশাসনে । তথ্য অনুসৰিধনীয়াভেটী পথাৰৰ আৰু ৰামপুৰ সত্ৰ গাঁৱৰ কলেজীয়া ছাত্ৰ লিপ্ত হৈছে জুৱা খেলাত । অকল কলেজীয়া ছাত্ৰই নহয়,তেওঁলোকৰ লগত আছে জ্যেষ্ঠ লোকো ।

গুৰুত্বপূৰ্ণ কথা যেবটদ্ৰৱা আৰক্ষী থানাৰ নিচেই কাষত থকা সত্বেও মুকলিকৈ লাখ লাখ টাকাৰ জুৱা খেল চলি থকা ঘটনাই সৃষ্টি কৰিছে তীব্ৰ প্ৰতিক্ৰিয়া । অকল এইয়াই নহয় বটদ্ৰৱাৰ প্ৰায়বোৰ ঠাইত এতিয়া এনেকৈ নিতৌ দিন দুপৰতে চলিছে মুকলি জুৱা । এনেকৈ দিন দুপৰতে চলি থকা মুকলি জুৱাই চিন্তিত কৰি তুলিছে সচেতন মহলক ।ৱ