গুৱাহাটী, 1 নৱেম্বৰ :পৰম্পৰাগত হস্তী পূজাৰে দেওবাৰৰ পৰা কাজিৰঙা ৰাষ্ট্ৰীয় উদ্যানত আনুষ্ঠানিক ভাৱে মুকলি কৰা হ’ল হাতী চাফাৰী । উদ্যানখনৰ মুখ্য প্ৰৱেশদ্বাৰৰ মিহিমুখৰ প্ৰথম নিৰীক্ষণ টাৱাৰৰ সমীপত DFO ৰমেশ গগৈয়ে নাৰিকল ভাঙি আৰু সঞ্চালক পি শিৱ কুমাৰে ফিটা কাটি হাতী চাফাৰী আনুষ্ঠানিকভাৱে মুকলি কৰে ।
মুকলিৰ প্ৰথম দিনাই বন বিভাগৰ 10 টা হাতীৰ পিঠিত উঠি মুঠ 37 গৰাকী পৰ্যটকে ৰাষ্ট্ৰীয় উদ্যানখনৰ অপৰূপ সৌন্দৰ্য উপভোগ কৰে ৷ হাতীৰ পিঠিত উঠি নিচেই ওচৰৰ পৰা গড়ৰ মুক্ত বিচৰণ প্ৰত্যক্ষ কৰি অভিভূত হৈ পৰে দিল্লী, নাগপুৰ, ভূপালৰ পৰ্যটক সকল ৷ উল্লেখ্য যে, 21 অক্টোবৰত কাজিৰঙাৰ জীপ চাফাৰী মুকলি কৰিছিল মুখ্যমন্ত্ৰী সৰ্বানন্দ সোণোৱালে ৷
লগতে পঢ়ক :নিৰ্বাচনৰ পিচত জেললৈ যাব লাগিব বিধায়ক শ্বেৰমান আলী : হিমন্ত বিশ্ব শৰ্মা