নগাঁও, 1 অক্টোবৰ : নিজকে বিয়াগোম বিষয়া হিচাপে চিনাকি দি এতিয়া অসম আৰক্ষীৰ পলাতক আচামী ঘোষিত হোৱা প্ৰৱঞ্চক মৃদুপৱন নেওগৰ সন্ধানত নগাঁও আৰক্ষীয়ে তীব্ৰতৰ কৰি তুলিছে অভিযান । বিগত কিছুদিন ধৰি চৰ্চালৈ অহা মৃদুপৱনৰ ঘনিষ্ঠ বান্ধৱী অৰ্পিতা কাশ্যপক নগাঁৱলৈ তলৱ কৰি শুকুৰবাৰে জেৰা কৰে নগাঁও আৰক্ষীয়ে ।
মৃদুপৱনৰ বান্ধৱী অৰ্পিতা কাশ্যপক জেৰা নগাঁও আৰক্ষীৰ
নগাঁও আৰক্ষী অধীক্ষকৰ কাৰ্যালয়ত আৰক্ষী অধীক্ষক আনন্দ মিশ্ৰই অৰ্পিতাক প্ৰায় এঘন্টা ধৰি জেৰা চলোৱাৰ অন্তত যাবলৈ দিয়ে । অৰ্পিতা কাশ্যপে মৃদুপৱনৰ সৈতে কোনো সম্পৰ্ক নাই মাথো চিনাকিহে বুলি মন্তব্য কৰে । আনহাতে, মৃদুপৱনক শীঘ্ৰেই গ্ৰেপ্তাৰ কৰা হ'ব বুলি আৰক্ষী অধীক্ষক আনন্দ মিশ্ৰই মন্তব্য কৰি এই গোচৰটো সন্দৰ্ভত আন কেবাজনো জালত পৰাৰ কথা সদৰী কৰে ।