নগাঁৱত পেট্ৰ’ল পাম্পত মাৰণাস্ত্ৰ দেখুৱাই দুৰ্বৃত্তৰ ধনলুট

নগাঁৱত দেওবাৰে এক লুটপাতৰ ঘটনা সংঘটিত হৈছে,স্থানীয় পেট্ৰ’ল পাম্প এটাৰ কৰ্মচাৰীৰ পৰা দুৰ্বৃত্তই মাৰণাস্ত্ৰ দেখুৱাই লুটি নিয়ে নগদ ধন,টকা দিবলৈ অমান্তি হোৱাত মাৰণাস্ত্ৰ দেখুৱাই কৰ্মচাৰীৰ পৰা লুটি নিয়ে ১৫ হাজাৰ টকা

নগাঁৱ, 8 ডিচেম্বৰঃ নগাঁৱৰ খুটিকটীয়াত দেওবাৰে এক লুটপাতৰ ঘটনা সংঘটিত হৈছে । স্থানীয় পেট্ৰ’ল পাম্প এটাৰ কৰ্মচাৰীৰ পৰা দুৰ্বৃত্তই মাৰণাস্ত্ৰ দেখুৱাই লুটি নিয়ে নগদ ধন। ধন লুটৰ সমগ্ৰ দৃশ্য বন্দী হয় চি চি টি ভি কেমেৰাত । ঘটনাৰ বিৱৰণী মতে,খুটিকটীয়াৰ মাধৱ পেট্ৰ’ল পাম্পত সন্ধিয়া পেট্ৰ’ল ভৰাবলৈ এখন এল্ট’ 800 লৈ উপস্থিত হয় এজন লোক । লোকজনে এহেজাৰ টকাৰ তেল ভৰোৱাৰ পিছত গাড়ীৰ পৰা নামি পাম্পৰ কৰ্মচাৰীজনক টকা দাবী কৰে ৷ টকা দিবলৈ কৰ্মচাৰীজন অমান্তি হোৱাত মাৰণাস্ত্ৰ দেখুৱাই লুটি নিয়ে ১৫ হাজাৰ টকা । ধনখিনি লৈ দুৰ্বৃত্তজনে নগাওঁ চহৰ অভিমুখে উধাও হয় । ইপিনে গাড়ীখনৰ নম্বৰ প্লেটত লগোৱা আছিল সেউজীয়া ৰঙৰ ষ্টিকাৰ । দুৰ্বৃত্তজনৰ পিছে পিছে কৰ্মচাৰীয়ে দৌৰি যোৱাত শূন্যলৈ গুলীচালনা কৰে ৷ পাম্পটোৰ গৰাকীয়ে ঘটনা সম্পৰ্কত স্থানীয় আৰক্ষী চকীত এজাহাৰ দাখিল কৰে ৷ আৰক্ষীয়ে ইতিমধ্যে পাম্পটোৰ চি চি টি ভি-ৰ ফুটেজ সংগ্ৰহ কৰি আৰম্ভ কৰিছে তদন্ত।

লগতে চাওকঃকলিয়াবৰত মুখ্যমন্ত্ৰীক ক’লা পতাকা প্ৰদৰ্শন অসম জাতীয়তাবাদী যুৱ ছাত্ৰ পৰিষদৰ