কলিয়াবৰ, 17 এপ্ৰিল : চৌদিশে এতিয়া কেৱল ৰঙালীৰ আনন্দ (Rongali Bihu 2022) ৷ বাপতি সাহোন ৰঙালী বিহু উপলক্ষে ৰাজ্যৰ প্ৰান্তে প্ৰান্তে এক উখল-মাখল পৰিবেশে বিৰাজ কৰিছে ৷ ৰাজ্যৰ চহৰ-নগৰকে আদি কৰি সকলো অঞ্চলতে ৰঙালীৰ আনন্দ-উল্লাসত ৰাজ্যবাসী মতলীয়া হৈ থকাৰ সময়তে কৰ্তব্যৰ খাতিৰত বহু লোকে নিজৰ আপোন ঘৰখনৰ পৰা বহু নিলগত থাকি নিষ্ঠাৰে কৰ্তব্য পালন কৰা পৰিলক্ষিত হয় ।
কাজিৰঙা ৰাষ্ট্ৰীয় উদ্যানৰ বিষয়া-কৰ্মচাৰী, বনৰক্ষীৰ ৰঙালী বিহু উদযাপন
বিভিন্ন উৎসৱ-পাৰ্বনৰ সময়তে নিজ কৰ্মক্ষত্ৰতে সহকৰ্মী বিষয়া-কৰ্মচাৰীৰে মিলি অনুষ্টুপীয়াকৈ হ'লেও মনৰ দুখ পাতলাই উদযাপন কৰা দেখা যায় । সমান্তৰালকৈ কলিয়াবৰ মহকুমাৰ অন্তৰ্গত কাজিৰঙা ৰাষ্ট্ৰীয় উদ্যানৰ বুঢ়াপাহাৰ বনাঞ্চলিক কাৰ্যালয়ত বন বিষয়া-কৰ্মচাৰী, বনৰক্ষীসকলেও উদযাপন কৰিলে ৰঙালী বিহু ৷