নগাঁৱত সাংবাদিকক আক্ৰমণ বিজেপি নেতা-কৰ্মীৰ

নগাঁৱৰ পাখিমৰিয়াত উত্তপ্ত পৰিস্থিতি। সুলভ মূল্যৰ দোকানক লৈ দুই ফৈদৰ সংঘাত। বাতৰি সংগ্ৰহৰ বাবে যোৱা সাংবাদিকক আক্ৰমণ। বিজেপি নেতাৰ বিৰুদ্ধে গুণ্ডাগিৰিৰ অভিযোগ।

নগাঁও, 20 আগষ্টঃ নগাঁৱৰ পানীখাইতিৰ পাখিমৰীয়াত বুধবাৰে বিয়লি সৃষ্টি হয় উত্তপ্ত পৰিস্থিতিৰ । শাসকীয় দল বিজেপিৰ এজন কাউন্সিলাৰৰ বিৰুদ্ধে উত্থাপন হৈছে গুণ্ডাগিৰিৰ অভিযোগ । সমবায়ৰ এখন সুলভ মূল্যৰ দোকানক লৈ দুটা ফৈদৰ মাজত সৃষ্টি হয় সংঘাতৰ । দুই ফৈদৰ সংঘাতৰ বাতৰি সংগ্ৰহৰ বাবে যোৱা সাংবাদিকৰ দলকো আক্ৰমণ একাংশ উদণ্ড লোকৰ । বিজেপি দলৰ কাউন্সিলাৰৰ নেতৃত্বত সাংবাদিকৰ দলক প্ৰহাৰৰ অভিযোগ উত্থাপন হৈছে ।

পাখিমৰীয়াৰ কাউন্সিলাৰ ৰিয়াজুল হক আৰু তেওঁৰ ভাতৃ শিক্ষক নুৰুল হুদাৰ নেতৃত্বত উদণ্ড বিজেপি কৰ্মীয়ে আক্ৰমণ কৰে সাংবাদিকৰ দলটোক। নগাঁও যোগান বিভাগৰ বিষয়া-কৰ্মচাৰীৰ উচতনিতে সংঘটিত হয় এই আক্ৰমণৰ ঘটনা। ননৈ আৰক্ষীৰ সন্মুখতে সাংবাদিকৰ দলক আক্ৰমণ কৰে যদিও নীৰৱ ভূমিকাত অৱতীৰ্ণ হয় নাগৰিকৰ নিৰাপত্তাৰ দায়িত্বত থকা আৰক্ষী । ইয়াকে লৈ সমগ্ৰ অঞ্চলটোত তীব্ৰ প্ৰতিক্ৰিয়াৰ সৃষ্টি হৈছে ৷

লগতে পঢ়কঃবিজেপিৰ নৱ নিযুক্ত ৰাজ্যিক সম্পাদক তৰংগ গগৈক সম্বৰ্ধনা