কলিয়াবৰৰ বৰঘূলীত স্বাস্থ্য সেৱাৰ কঙাল ৰূপ

কলিয়াবৰৰ বৰঘূলীত স্বাস্থ্য সেৱাৰ কঙাল ৰূপ ৷ স্বাস্থ্যকৰ্মী, চিকিৎসকৰ অনিয়মিত উপস্থিতিত অতিষ্ঠ স্থানীয় ৰাইজ ৷ কেবিনেট আৰু ৰাজ্যিক পৰ্যায়ৰ দুগৰাকীকৈ মন্ত্ৰী থকাৰ পিছতো এনে ঘটনা ঘটাটো দুৰ্ভাগ্যজনক ৷ অতি শীঘ্ৰেই ইয়াৰ সমাধানৰ বিচাৰি, বিহিত ব্যৱস্থাৰ দাবী উত্থাপন কৰে স্থানীয় ৰাইজে ৷

কলিয়াবৰ, 24 আগষ্টঃ কলিয়াবৰৰ বৰঘূলীত স্বাস্থ্যকৰ্মী, চিকিৎসকৰ অনিয়মিত উপস্থিতিত অতিষ্ঠ স্থানীয় ৰাইজ ৷ বানেগৰকা আৰু ব্ৰহ্মপুত্ৰৰ খহনীয়া পীড়িত সংখ্যালঘু বসতিপ্ৰধান কলিয়াবৰৰ বৰঘূলীত স্বাস্থ্য সেৱাৰ কঙাল ৰূপ ৷ অঞ্চলটোৰ উপ-স্বাস্থ্য কেন্দ্ৰত ৰাইজৰ উন্নত স্বাস্থ্য সেৱাৰ বাবে স্থাপন কৰা স্বাস্থ্য আৰু কল্যাণ কেন্দ্ৰত চিকিৎসক আৰু স্বাস্থ্য কৰ্মীৰ অনুপস্থিতিয়ে দুৰ্ভোগ ভোগাইছে ৰাইজক ৷ এই ঘটনাই উদঙাইছে অসম চৰকাৰৰ স্বাস্থ্য বিভাগৰ ফোঁপোলা স্বৰূপ ৷ কলিয়াবৰ সমষ্টিত কেবিনেট আৰু ৰাজ্যিক পৰ্যায়ৰ দুগৰাকীকৈ মন্ত্ৰী থকাৰ পিছতো এনে ঘটনা ঘটাটো দুৰ্ভাগ্যজনক ৷ অতি শীঘ্ৰেই ইয়াৰ সমাধানৰ বিচাৰি, বিহিত ব্যৱস্থাৰ দাবী উত্থাপন কৰে স্থানীয় ৰাইজে ৷