কলিয়াবৰ, 17 আগষ্ট :জাতিটোক একতাৰ ডোলেৰে বান্ধি বৈকুণ্ঠ প্ৰয়াণৰ পবিত্ৰ মাহটোত গুৰু দুজনাক স্মৰণ কৰিব ৰাজ্যবাসীয়ে ৷ আজিৰে পৰা আৰম্ভ হৈছে অসমীয়া জাতিৰ পবিত্ৰ মাহ ভাদ । মহাপুৰুষ শ্ৰীমন্ত শংকৰদেৱ, শ্ৰীশ্ৰী মাধৱদেৱৰ তিৰোভাৱ তিথি এই ভাদ মাহতে ৷ তদুপৰি শ্ৰীকৃষ্ণৰ জন্ম হৈছিল এই পবিত্ৰ ভাদ মাহতে ।
হৰিনামৰ ধ্বনিৰে মুখৰিত হ’ব ৰাজ্য
ভাদ মাহ বুলিলেই মনলৈ আহে কীৰ্তন ঘোষাৰে মুখৰিত এক পবিত্ৰ পৰিৱেশৰ কথা । আধ্যাত্মিকতা গঢ়াৰ প্ৰধান সোপান ল’ব পাৰি ভাদ মাহতে । কাৰণ অসমীয়াৰ বাৰ মাহৰ ভিতৰত আটাইতকৈ পবিত্ৰ মাহ হ’ল ভাদ মাহ । ভক্তিৰসেৰে পূৰ্ণ এই মাহৰ প্ৰতিটো দিনেই পবিত্ৰ ।