নগাঁও, 14 জুলাই : পানীত পৰিল জল সম্পদ বিভাগে নিৰ্মাণ কৰা খহনীয়া প্ৰতিৰোধ ব্যৱস্থা । 1 কোটি 90 লাখ টকাৰে নিৰ্মাণ কৰা শৈল্য বান্ধৰ ওপৰেৰে পানী বোৱাত কামপুৰৰ গুইমাৰী অঞ্চলৰ দহ খনতকৈ অধিক গাঁৱলৈ নামি আহিছে সংকট । তাৰোপৰি কামপুৰ ৰাজহ চক্ৰৰ অন্তৰ্গত অৰ্ধশতাধিক গাঁও প্লাৱিত হৈ পৰাৰ লগতে কামপুৰ আৰু গৰুবাট মৌজাৰ বহুগাঁও প্লাৱিত হৈ পৰিছে । কপিলী নৈৰ বাঢ়নী পানীত এতিয়া পশ্চিম গুইমাৰীৰ বহুলোকৰ ঘৰ বানৰ তলত | ইপিনে বানাক্ৰান্তসকলে কেম্প সাজি মথাউৰিত থাকিবলগীয়া হোৱাৰ লগতে খাদ্য সংকটত ভুগিছে বানাক্ৰান্তসকলে |
কপিলী নৈৰ তাণ্ডৱ