দিন দুপৰতে লুটপাট কৰি ৰাইজৰ ৰোষত ড্ৰাগছ আসক্ত যুৱক

দিন দুপৰতে লুটপাট কৰি ধিঙত ৰাইজৰ ৰোষত পৰিল ড্ৰাগছ আসক্ত যুৱক ৷ স্থানীয় ৰাইজে কৰায়ত্ব কৰি গছত বান্ধি উত্তম-মাধ্যম শোধালে ড্ৰাগছ আসক্ত ডকাইতক ৷ আজহাৰুল নামৰ ড্ৰাগছ আসক্ত এজন লোকৰ বিৰুদ্ধে দিন ডকাইতিৰ ঘটনা সংঘটিত কৰাৰ অভিযোগ ৷

নগাঁও, 9 অক্টোবৰ :ড্ৰাগছ আসক্ত হৈ ডকাইতিৰ ঘটনা সংঘটিত কৰি ৰাইজৰ ৰোষত এজন দিন ডকাইত ৷ বৃহস্পতিবাৰে দিন দুপৰতে ধিঙৰ বলিকটীয়াত লুটপাট সংঘটিত কৰি ৰাইজৰ হাতত কৰায়ত্ব হ'ল আজহাৰুল নামৰ এজন যুৱক ৷ আজহাৰুলৰ বিৰুদ্ধে 30 হাজাৰ টকা নগদ ধনৰ সৈতে সোণ-ৰূপৰ আ-অলংকাৰ লুটপাত কৰি পলায়ন কৰাৰ অভিযোগ ৷ ডকাইতিৰ ঘটনা সংঘটিত কৰি পলায়ন কৰিব খোজা আজহাৰুলক ৰাইজে কৰায়ত্ব কৰি গছত বান্ধি উত্তম-মাধ্যম শোধাই ৷

ধিঙত ৰাইজৰ ৰোষত ড্ৰাগছ আসক্ত ডকাইত

জানিব পৰা মতে, জুৰীয়া আৰক্ষী চকীৰ অন্তৰ্গত বলিকটীয়াৰ সোণাৰি ব্যৱসায়ী জাকিৰ হুচেইনৰ ঘৰত দিন দুপৰতে নিচাগ্ৰস্ত হৈ আজহাৰুলে ডকাইটিৰ ঘটনা সংঘটিত কৰে ৷ অৱশেষত 30 হাজাৰ টকা নগদ ধনৰ লগতে কেইবা লাখ টকাৰ সোণ-ৰূপৰ আ-অলংকাৰ লৈ পলায়ন কৰিব খোজা ডকাইত আজহাৰুলক ৰাইজে নিজা তৎপৰতাৰে কৰায়ত্ব কৰে ৷ ইফালে ঘটনা সন্দৰ্ভত আৰক্ষীক খবৰ দিয়াৰ বহু সময় পাৰ যোৱাৰ পাছতহে আৰক্ষী ঘটনাস্থলীত উপস্থিত হোৱাত ৰাইজে আৰক্ষীৰ বিৰুদ্ধেও ক্ষোভ প্ৰকাশ কৰে ৷

লগতে পঢ়ক:চিৰাঙত আৰক্ষীৰ জালত নিচাযুক্ত দ্ৰব্যসহ দুই সৰবৰাহকাৰী