কলিয়াবৰ , 13 জুলাইঃশনিবাৰে নিশা ভৰ লুইতত দুই বন্ধুৰ সৈতে মাছ মাৰিবলৈ গৈ নিখোজ হৈ আছিল শিলঘাট আৰক্ষী চকীৰ অন্তৰ্গত চামধৰা গাঁৱৰ দীপক শইকীয়া নামৰ এগৰাকী যুৱক । শনিবাৰে সন্ধিয়া প্ৰায় 8 বজাত দীপক শইকীয়া ওৰফে ৰাজুৱে প্ৰবাল হাজৰিকা আৰু চম্পক বৰা নামৰ তেওঁৰ দুগৰাকী বন্ধুৰ সৈতে মাছ মাৰিবলৈ গৈছিল 2 নং বিহডুবি অঞ্চলত । মাছ মৰাৰ পিচত বাঢ়নী পানীত সাতুৰি আহোতে নিখোজ হয় দীপক শইকীয়া নামৰ যুৱকজন । পৰৱৰ্তী সময়ত ঘটনাস্থলীত আৰক্ষী উপস্থিত হৈ আৰম্ভ কৰে তদন্ত । উল্লেখ্য যে, ঘটনাস্থলীত উদ্ধাৰ হয় সন্ধানহীন যুৱক জনে পৰিহিত পেণ্ট, ছাৰ্ট আৰু চেণ্ডেল ।
মাছ মাৰিবলৈ গৈ সন্ধানহীন হোৱা যুৱকৰ মৃতদেহ উদ্ধাৰ