নগাঁও,5 ডিচেম্বৰঃ নগাঁও জিলাৰ দহটাকৈ তিৱা স্বায়ত্বশাসিত পৰিষদীয় নিৰ্বাচনৰ বাবে সাজু হৈছে নগাঁও জিলা প্ৰশাসন । নগাঁৱৰ দহটা পৰিষদীয় নিৰ্বাচনৰ ৩৮ জন প্ৰাৰ্থীৰ ভাগ্য নিৰ্ণয় কৰিব ৮০,২৪২ ভোটাৰে । ১৭ ডিচেম্বৰ পুৱা ৭.৩০ বজাৰ পৰা বিয়লি ৪.৩০ বজালৈকে নগাঁৱৰ ১০২ টা ভোটকেন্দ্ৰত অনুষ্ঠিত হ’ব ভোটগ্ৰহণ । ১০২ টা ভোটকেন্দ্ৰৰ ১৭ টা স্পৰ্শকাতৰ, ৩৪ টা অতি স্পৰ্শকাতৰ আৰু ৪৫ টা নিৰাপদ ভোটকেন্দ্ৰ । অহা ১৯ ডিচেম্বৰত নগাঁৱত অনুষ্ঠিত হ’ব দহটা পৰিষদীয় সমষ্টিৰ ভোটগণনা ।
তিৱা স্বায়ত্ব শাসিত পৰিষদীয় নিৰ্বাচনৰ বাবে সাজু নগাঁও জিলা প্ৰশাসন উল্লেখযোগ্য যে, তিৱা স্বায়ত্বশাসিত পৰিষদৰ নিৰ্বাচনৰ বাবে নগাঁৱৰ মুঠ ৫৮৫ বিষয়া কৰ্মচাৰী নিয়োগ কৰা হৈছে । ভোট গ্ৰহণৰ বাবে নগাঁও জিলা প্ৰশাসনে গ্ৰহণ কৰিছে কেতবোৰ বিশেষ ব্যৱস্থা । ভোটগ্ৰহণৰ পূৰ্বে ভোটকেন্দ্ৰসমূহ সম্পূৰ্ণ চেনিটাইজ কৰাৰ লগতে ভোটগ্ৰহনৰ বাবে নিয়োজিত বিষয়া, কৰ্মচাৰীক ক’ভিড প্ৰট'কল মতেই হেণ্ড গ্ল'বছ, মাস্কৰ লগতে প্ৰয়োজনীয় সকলো সামগ্ৰী যোগান ধৰিব জিলা প্ৰশাসনে । ভোট কেন্দ্ৰত প্ৰৱেশ কৰাৰ পূৰ্বে সকলো ভোটাৰে মাস্ক পৰিধান কৰাটো বাধ্যতামূলক কৰিছে জিলা প্ৰশাসনে । ভোটাৰক বিনামূলীয়া হেণ্ড গ্ল'বছ দিয়াৰো ব্যৱস্থা কৰিছে জিলা প্ৰশাসনে । শনিবাৰে নগাঁও জিলা উপায়ুক্ত কাৰ্য্যালয়ৰ সভাকক্ষত এক সংবাদ মেলৰ আয়োজন কৰি এই তথ্য সদৰী কৰে জিলা উপায়ুক্ত কবিথা পদ্মনাভনে ।
লগতে পঢ়কঃ তিৱা স্বায়ত্ত শাসিত পৰিষদৰ নিৰ্বাচনৰ বাবে প্ৰস্তুত কামৰূপ মহানগৰ জিলা প্ৰশাসন
