বিদ্যুতৰ অনিয়মীয়াকৰণৰ কথা সুধিবলৈ গৈ প্ৰহৃত গ্ৰাহক

নগাঁও সদৰ সমষ্টিৰ বেলতলী ৰৌমাৰী অঞ্চলত অনিয়মীয়া বিদ্যুৎ যোগানৰ বিষয়ে অঞ্চলটোৰ বিদ্যুতৰ কামত জড়িত থকা চফিকুল ইছলাম নামৰ লোকজনক সুধিবলৈ যোৱাৰ বাবেই গ্ৰাহকজনক মাৰপিট কৰাৰ গুৰুতৰ অভিযোগ উত্থাপন হৈছে ।

চামগুৰি, 30 এপ্ৰিল: বৃহস্পতিবাৰে নগাঁও সদৰ সমষ্টিৰ বেলতলী ৰৌমাৰী অঞ্চলত বিদ্যুৎ বিভাগৰ এজন কৰ্মচাৰীৰ দ্বাৰা প্ৰহৃত হ’বলগীয়া হ'ল এজন গ্ৰাহক । ৰৌমাৰী অঞ্চলত অনিয়মীয়া বিদ্যুৎ যোগানৰ বিষয়ে অঞ্চলটোৰ বিদ্যুতৰ কামত জড়িত থকা চফিকুল ইছলাম নামৰ লোকজনক সুধিবলৈ যোৱাৰ বাবে মুস্তফা নামৰ গ্ৰাহকজনক মাৰপিট কৰাৰ গুৰুতৰ অভিযোগ উত্থাপন হৈছে ।

অভিযোগ অনুসৰি, অতি নিম্ন ভল্টেজৰ বিদ্যুৎ যোগান ধৰাৰ ফলত অঞ্চলটোত সৃষ্টি হৈছে কিছু অসুবিধাৰ । যাৰ বাবে অঞ্চলটোৰ ৰাইজৰ হৈ এই অনিয়মীয়াকৰণৰ বিষয়ে সুধিবলৈ গৈছিল ৰৌমাৰী অঞ্চলৰ যুৱক মুস্তফাই ৷ কিন্তু ইয়াৰ বিপৰীতে অঞ্চলটোত বিদ্যুতৰ কামত জড়িত থকা চফিকুল ইছলামৰ দ্বাৰা শাৰিৰীক নিৰ্যাতনৰ বলি হ’বলগীয়া হ’ল মুস্তাফা ৷

অভিযোগ অনুসৰি চফিকুল ইছলামৰ প্ৰহাৰত গুৰুত্বৰ ভাৱে আহত হয় মুস্তফা নামৰ ব্যক্তি গৰাকী ৷ আহত মুস্তফাই নগাঁও সদৰ আৰক্ষী থানাত এই সন্দৰ্ভত দাখিল কৰিছে এজহাৰ ।

লগতে পঢ়ক:হোজাইৰ নীলবাগান ক’ভিড কেয়াৰ চেন্টাৰত উত্তপ্ত পৰিস্থিতি