চামগুৰি, 22 মে’: নগাঁও জিলাৰ আমলখি চাহ বাগিচাত অৱস্থিত আমলখি প্ৰাথমিক স্বাস্থ্য কেন্দ্ৰৰ ৬৯ খন বিচনাযুক্ত ক’ভিড কেয়াৰ কেন্দ্ৰত সম্প্ৰতি সমস্যাৰ সন্মুখীন হৈছে বহু সংখ্যক ক’ভিড আক্ৰান্ত লোক ৷
ফলস্বৰূপে আক্ৰান্ত লোক সকলক পৰিয়ালৰ লোকে আহাৰৰ যোগান ধৰিব লগা অৱস্থাৰ সৃষ্টি হৈছে ৷ ইয়াৰ লগতে, এটুপি খোৱা পানীৰ বাবেও এতিয়া হাহাকাৰ কৰিবলগীয়া হৈছে এই সকল ক’ভিড আক্ৰান্তই ৷
এটুপি খোৱা পানীৰ বাবেও আক্ৰান্তই হাঁহাকাৰ কৰিছে ক’ভিড কেয়াৰ কেন্দ্ৰত লক্ষণীয়ভাৱে, অসম চাহ জনজাতি ছাত্ৰ সন্থা চমুকৈ আটছাৰ বিষয়ৱবীয়া সকলে শনিবাৰে পুৱা ক’ভিড কেয়াৰ কেন্দ্ৰটোৰ অৱস্থাৰ বুজ ল’বলৈ যোৱাত সমগ্ৰ ঘটনা পোহৰলৈ আহে ৷
উল্লেখ্য যে, বাগিছাৰ কৰ্তৃপক্ষই যাৱতীয় সকলোখিনি ব্যৱস্থা গ্ৰহণ কৰিছে যদিও এতিয়াও চৰকাৰী ব্যৱস্থাপনা যথেষ্ট ত্ৰুটিপূৰ্ণ হৈ আছে ৷ এই ক্ষেত্ৰত ছাত্ৰ সংগঠনটোৱে অসম চৰকাৰৰ স্বাস্থ্য বিভাগক চিকিৎসাৰ নিয়মীয়া ব্যৱস্থাৰ লগতে তাৎক্ষণিক ভাৱে সমস্যাৰ সামাধান কৰিবলৈ আহ্বান জনাইছে ৷
লগতে পঢ়ক :সোঁ-শৰীৰে স্ব-গৃহলৈ ৰিতুল শইকীয়া
