বটদ্ৰৱা, ৯ এপ্ৰিল: সোমবাৰে কলিয়াবৰ লোকসভা সমষ্টিৰ অন্তৰ্গত বটদ্ৰৱা বিধানসভা সমষ্টিৰ অন্তৰ্গত চাবুকধৰা,জাজৰি নিছানতল, হাতীযুঁজোৱাত অনুষ্ঠিত তিনিখনকৈ নিৰ্বাচনী প্ৰচাৰ সভাত অংশ গ্ৰহণ কৰে কংগ্ৰেছৰ প্ৰাৰ্থী গৌৰৱ গগৈয়ে । প্ৰতিখন নিৰ্বাচনী প্ৰচাৰ সভাত বিজেপিক ক্ষুৰধাৰ সমালোচনা কৰে গৌৰৱ গগৈয়ে ।
বটদ্ৰৱা সমষ্টিত সোমবাৰে চলোৱা এই মাৰাথন প্ৰচাৰ অভিযানত গৌৰৱ গগৈক অসম প্ৰদেশ কংগ্ৰেছৰ সম্পাদিকা শিৱা মনি বৰা, প্ৰাক্তন মন্ত্ৰী গৌতম বৰাকে প্ৰমুখ্য কৰি কেইবাগৰাকী কংগ্ৰেছ নেতাৰ লগতে একালৰ এ আই ইউ ডি এফ দলৰ বটদ্ৰৱা সমষ্টিৰ প্ৰাৰ্থী মতিউৰ ৰহমানে সংগ দিয়ে ৷ ইফালে জাজৰি নিচানতলত অনুষ্ঠিত হোৱা নিৰ্বাচনী সভাত চি পি আই নেতা ভৰত কেওটৰ নেতৃত্বত চি পি আই, অগপ আৰু বিজেপিৰ বহুসংখ্যক কৰ্মীয়ে কংগ্ৰেছ দলত আনুষ্ঠানিকভাৱে যোগদান কৰে ।
