বঢ়মপুৰ,27জানুৱাৰী:সমগ্ৰ ৰাষ্ট্ৰজুৰি মঙলবাৰে 72 তম গণৰাজ্য দিৱস উদযাপন কৰাৰ সময়তেনগাঁও জিলাৰ কামপুৰত দেখা গ’ল এক ব্যতিক্ৰমী দৃশ্য ৷ কামপুৰ চাংচকী পথাৰত অগণন ৰাইজে ভিৰ কৰিলে ম’হ যুজঁ চাবলৈ ৷
গণৰাজ্য দিৱসৰ দিনাই কামপুৰ চাংচকী পথাৰত অগণন ৰাইজে কি কৰিছে ! উল্লেখযোগ্য,কামপুৰ চাংচকী পথাৰত তুমুল যুজঁ গুণা ম’হৰ। ভোগালী বিহুৰ পৰম্পৰা ৰক্ষা কৰি ন্যায়ালয়ৰ বাধাকো নেওচি কামপুৰ চাংচকী পথাৰত ম'হ পালক সকলে গণৰাজ্য দিৱসৰ দিনাই অনুষ্ঠিত কৰিলে ম'হ যুঁজ ৷ ইপিনে গুণা ম'হৰ যুজেঁ আপ্লুত কৰিলে পথাৰত উপস্থিত অগণন ৰাইজক ৷
জানিব পৰা মতে,বছৰ বছৰ ধৰি চাংচকী পথাৰত অনুষ্ঠিত কৰি অহা ম’হৰ গোৱালসকলে অনানুষ্ঠানিকভাৱে আয়োজন কৰা ম’হযুজ চাবলৈ ভিৰ কৰেহি হাজাৰ হাজাৰ লোকে । উল্লেখযোগ্য যে, এই প্ৰতিযোগিতাত ২৪ টাকৈ গুণা ম'হে যোগদান কৰে বুলি গোৱালসকলে জানিবলৈ দিয়ে ।
লগতে পঢ়কঃ কৃষক বিদ্ৰোহঃ গণৰাজ্য দিৱসত অংশগ্ৰহণ কৰা 300 শিল্পীক উদ্ধাৰ
