অসমত আঞ্চলিকতাবাদ শক্তিশালী হোৱা উচিত:প্ৰফুল্ল কুমাৰ মহন্ত

নগাঁও জিলা অগপৰ কাৰ্যালয়ত প্ৰাক্তন মুখ্য়মন্ত্ৰী প্ৰফুল্ল কুমাৰ মহন্তৰ উপস্থিতিত অনুষ্ঠিত হৈ যায় এক কাৰ্যকৰী সভা । কিন্তু উক্ত সভাত উপস্থিত থকা দেখা নগ’ল মন্ত্ৰী কেশৱ মহন্তক। সভাখনত আঞ্চলিক দলটোক শক্তিশালী কৰাৰ সন্দৰ্ভত আলোচনা কৰে নগাঁও জিলা অগপৰ কৰ্মকৰ্তাসকলে ৷

নগাঁও,30 জুন: খহনীয়া অব্যাহত আছে অগপ দলৰ ভিতৰচ’ৰাত ৷ কিছুদিন পূৰ্বে নাগৰিকত্ব সংশোধনী আইনৰ বিৰুদ্ধে হোৱা আন্দোলনৰ সময়ত অগপৰ তিনি মন্ত্ৰীৰ বিৰুদ্ধে সৰৱ হৈ পৰা নগাঁও জিলা অগপই দাবী কৰিছিল তিনি নেতাৰ পদত্যাগ । আঞ্চলিক দলটোৰ প্ৰতিষ্ঠাপক সভাপতি তথা প্ৰাক্তন মুখ্যমন্ত্ৰী প্ৰফুল্ল কুমাৰ মহন্তৰ নেতৃত্বত সাব্যস্ত কৰা হৈছিল উক্ত প্ৰতিবাদ ।

সোমবাৰে জিলা অগপৰ কাৰ্যালয়ত মহন্তৰ উপস্থিতিত অনুষ্ঠিত হৈ যায় এক কাৰ্যকৰী সভা । উক্ত সভাত উপস্থিত থকা দেখা নগ’ল মন্ত্ৰী কেশৱ মহন্তক । কাৰ্যকৰী সভাখনত আঞ্চলিক দলটোক শক্তিশালী কৰাৰ সন্দৰ্ভত আলোচনা কৰাৰ লগতে সভাৰ অন্তত প্ৰাক্তন মুখ্যমন্ত্ৰী গৰাকীয়ে নতুন আঞ্চলিক দল গঠন সন্দৰ্ভত সংবিধানে সকলোকে সম অধিকাৰ প্ৰদানৰ কথা ব্যক্ত কৰে ৷ লগতে অসমত আঞ্চলিকতাবাদ শক্তিশালী হোৱা উচিত বুলি কৌশলী মন্তব্য আগবঢ়াই প্ৰাক্তন মুখ্যমন্ত্ৰী প্ৰফুল্ল কুমাৰ মহন্তই ৷

লগতে চাওকঃবৰখলা আৰক্ষীৰ জালত ভুৱা চিআইডি বিষয়া