বিধায়ক ৰমাকান্ত দেউৰীৰ বিৰুদ্ধে সৰৱ তিৱা স্বায়ত্তশাসিত পৰিষদ

মঙলবাৰে তিৱা স্বায়ত্ব শাসিত পৰিষদৰ সভাগৃহত সংবাদমেল সম্বোধন কৰি সাংবাদিকৰ আগত এইদৰে মন্তব্য কৰে তিৱা স্বায়ত্তশাসিত পৰিষদৰ মুখ্য কাৰ্যবাহী সদস্য পবন মান্তাই ৷ তদুপৰি মুখ্য কাৰ্যবাহী সদস্যগৰাকীয়ে ৰমাকান্ত দেউৰীৰ এনে দূৰ্ভাগ্যজনক মন্তব্যৰ বাবে তিৱা জনগোষ্ঠীক ভুল নুবুজিবলৈ অসমবাসী ৰাইজক আহ্বান জনোৱাৰ উপৰিও বিধায়কগৰাকীৰ মন্তব্যক ধিক্কাৰ দিয়ে ৷

মৰিগাঁও, 6 অক্টোবৰঃ বিধায়ক ৰমাকান্ত দেউৰীৰ বিৰুদ্ধে জাঙুৰ খাই উঠিল তিৱা স্বায়ত্তশাসিত পৰিষদ ৷ বিধায়ক গৰাকীৰ মন্তব্য তিৱা জনগোষ্ঠীৰ মন্তব্য নহয়, তিৱা জনগোষ্ঠীয়ে গোসাঁই-ব্ৰাহ্মণ সকলক সদায় সন্মান কৰি আহিছে ৷ মঙলবাৰে তিৱা স্বায়ত্ব শাসিত পৰিষদৰ সভাগৃহত সংবাদমেল সম্বোধন কৰি সাংবাদিকৰ আগত এইদৰে মন্তব্য কৰে তিৱা স্বায়ত্তশাসিত পৰিষদৰ মুখ্য কাৰ্যবাহী সদস্য পবন মান্তাই ৷ তদুপৰি মুখ্য কাৰ্যবাহী সদস্যগৰাকীয়ে ৰমাকান্ত দেউৰীৰ এনে দূৰ্ভাগ্যজনক মন্তব্যৰ বাবে তিৱা জনগোষ্ঠীক ভুল নুবুজিবলৈ অসমবাসী ৰাইজক আহ্বান জনোৱাৰ উপৰিও বিধায়কগৰাকীৰ মন্তব্যক ধিক্কাৰ দিয়ে ৷

উল্লেখযোগ্য যে, মৰিগাঁৱৰ দুই ছাত্ৰ নেতাক সমালোচনা কৰিবলৈ গৈ এখন সভাত বিধায়ক ৰমাকান্ত দেউৰীয়ে সকলো সীমা অতিক্ৰম কৰি মহন্ত আৰু শৰ্মা উপাধিj ছাত্ৰ নেতাক নিৰ্মমভাৱে হানি-খুঁচি হত্যা কৰিম বুলি মন্তব্য কৰিছিল ৷ আনহাতে সাম্প্ৰদায়িক বিষবাষ্প বিয়পোৱা বিধায়ক ৰমাকান্ত দেউৰীৰ বিৰুদ্ধে সৰৱ হৈ সদৌ তিৱা ছাত্ৰ সন্থাকে ধৰি আন 5 তিৱা জাতীয় সংগঠন নেতৃত্বই বিধায়ক ৰমাকান্ত দেউৰীৰ বিৰুদ্ধে বিহিত গ্ৰহণ কৰিবলৈ প্ৰশাসনক দাবী জনায় ৷

লগতে পঢ়কঃকৰিমগঞ্জৰ এগৰাকী অধিবক্তাৰ মহানুভৱতা