মৰিগাঁৱত ডাম্পাৰৰ খুন্দাত নিহত এজন

মৰিগাঁৱত দিনক দিনে বৃদ্ধি পাইছে ডাম্পাৰৰ দৌৰাত্ম্য । অঞ্চলটোত বিগত 15 দিনত দুটাকৈ পথ দুৰ্ঘটনাত দুজনকৈ লোকৰ মৃত্যু হৈছে ৷

মৰিগাঁও,২১ মাৰ্চ:মৰিগাঁও বৰঙাবাৰীত দেওবাৰে সন্ধিয়া ডাম্পাৰৰ খুন্দাত এজন বাইক আৰোহী থিতাতে নিহত হয় । বৰ্তমানলৈ জানিব পৰা হোৱা নাই নিহত ব্যক্তিজনৰ পৰিচয় । উল্লেখ্য যে, মৰিগাঁৱত দিনক দিনে বৃদ্ধি পাইছে ডাম্পাৰৰ দৌৰাত্ম্য । অঞ্চলটোত বিগত 15 দিনত দুটাকৈ পথ দুৰ্ঘটনাত দুজনকৈ লোকৰ মৃত্যু হৈছে ৷

বৰঙাবাৰীৰ ৰাইজে অতি কম দিনৰ ভিতৰত উক্ত স্থানত স্পীড বেকাৰ বনাই দিয়াৰ বাবে গড়কাপ্তানী বিভাগক আহ্বান জনাইছে ৷ অন্যথা পথ অৱৰোধ কৰাৰ হুংকাৰ দিয়ে স্থানীয় লোকে । আনহাতে বৰ্তমান ঘটনাস্থলীত মৰিগাঁও আৰক্ষী আৰু যান-বাহন আৰক্ষী উপস্থিত হৈ যাৱতীয় ব্যৱস্থা গ্ৰহণ কৰিছে ।

লগতে পঢ়ক:কংগ্ৰেছ প্ৰাৰ্থী সূৰুজ দিহিঙীয়াৰে আছুতীয়া সাক্ষাৎকাৰ...