মৰিগাৱঁত বান শিবিৰত ভাত ৰান্ধিবলৈ নাই ইন্ধন

মৰিগাঁৱৰ লাহৰীঘাটৰ বন্যাৰ্তৰ মাজত হাহাকাৰ পৰিস্থিতি৷ শিবিৰত ভাত ৰান্ধিবলৈ নাই ইন্ধন৷ শান্তি ইনডেন চাৰ্ভিচৰ স্বত্বাধিকাৰীৰ বন্যাৰ্তক লৈ ল'ৰা ধেমালি৷

মৰিগাওঁ,14 জুলাই: মৰিগাঁৱত বন্যাৰ্তক লৈ শান্তি ইনডেন চাৰ্ভিচৰ স্বত্বাধিকাৰীৰ ল'ৰা ধেমালি৷ শনিবাৰে মৰিগাঁৱৰ লাহৰীঘাটত উজ্বলা ৰন্ধন গেছ নাপাই পৰিস্থিতি উত্তপ্ত কৰি তোলে স্থানীয় ৰাইজে৷ উত্তপ্ত ৰাইজে ঘেৰাও কৰি ধৰে লাহৰীঘাট শান্তি ইন্ডেন চাৰ্ভিচৰ কৰ্মচাৰীক৷ উল্লেখ্য যে লাহৰীঘাটৰ বানাক্ৰান্তই নিবলৈ আহিছিল চৰকাৰী ভাৱে যোগান ধৰা উজ্বলা গেছ৷

কিন্তু গেছ নিবলৈ আহি বাৰে বাৰে বিমুখ হ'বলগীয়া হয় বানাক্ৰান্ত হিতাধিকাৰীসকল৷ বাৰে বাৰে বিমুখ হোৱাৰ ফলত অতিষ্ঠ হৈ বানাক্ৰান্তসকলে লাহৰীঘাটৰ শান্তি ইনডেন চাৰ্ভিচৰ কাৰ্যালয়ৰ পৰিস্থিতি উত্তপ্ত কৰি তোলে৷ মৰিগাঁৱৰ লাহৰীঘাটৰ শিবিৰত আশ্ৰয় লৈ থকা এইসকল বানাক্ৰান্তক এতিয়া ৰন্ধন গেছৰ অভাৱত বিমোৰত পৰিছে৷