এৰী পলু পালনেৰে স্বাৱলম্বী মৰিগাঁৱৰ এগৰাকী মহিলা

বহু কষ্ট স্বীকাৰেৰে মৰিগাঁৱত এগৰাকী মহিলাৰ সাতাম পুৰুষীয়া পৰম্পৰা অব্যাহত ৰখাৰ প্ৰচেষ্টা

মৰিগাঁও, 27জুনঃ ৰাজ্যত ৰেচম বিভাগ মৃত্যুৰ দিশে গতি কৰাৰ সময়তে মৰিগাঁৱত এগৰাকী মহিলাই চলাইছে এৰী পালন। বহু প্ৰত্যাহ্বানৰ মাজেৰে মৰিগাঁৱৰ মৰাকলং ফুলগুৰি গাঁৱৰ পৰিয়ালটোৰ এটা সুকীয়া কোঠাত পালন কৰিছে এৰী। এৰা পালনত এৰাপাত সংগ্ৰহৰ পৰা এৰীসূতা কাটি ৰেচমু চাদৰ বা এৰী কাপোৰ তৈয়াৰ কৰালৈ থকা সকলো প্ৰত্যাহ্বানক ওফৰাই মৰিগাঁৱৰ এইগৰাকী মহিলাই এৰীপালনকে আত্মসংস্থাপনৰ পথ হিচাপে বাছি লৈছে । যদিও এতিয়ালৈকে মহিলাগৰাকীয়ে লাভৰ মুখ দেখা নাই তথাপিও চলাই গৈছে এৰীপালন ৷