মৰিগাঁও, ১১ মে': ক'ভিড-১৯ৰ সংক্ৰমণ ৰোধৰ বাবে কঠোৰ পদক্ষেপ গ্ৰহণ কৰিছে প্ৰশাসনে । সংক্ৰমণ অধিক হোৱা স্থানক কণ্টেইনমেণ্ট জ'ন হিচাপে ঘোষণা কৰি সংক্ৰমণৰ শৃংখলা ভংগ কৰাৰ প্ৰয়াস কৰা হৈছে ।
মৰিগাঁও জিলাতো বৃদ্ধি পাইছে কণ্টেইনমেণ্ট জ'নৰ সংখ্যা । এতিয়ালৈকে জিলাখনৰ ৫টা স্থানক কণ্টেইনমেণ্ট জ'ন ঘোষণা কৰিছে জিলা প্ৰশাসনে ।
শেহতীয়াকৈ এক নিৰ্দেশনাৰ জৰিয়তে ভূৰাগাঁও ৰাজহ চক্ৰৰ অধীনৰ পোকালাগী আৰু লাহৰীঘাট ৰাজহ চক্ৰৰ অন্তৰ্গত বৰিবন্ধা অঞ্চলক কণ্টেইনমেণ্ট জ'ন ঘোষণা কৰিছে মৰিগাঁও জিলা স্বাস্থ্য বিভাগ আৰু জিলা প্ৰশাসনে ।