লাহৰীঘাটত কৃতী শিক্ষাৰ্থীক অভিনন্দন

বৃহত্তৰ অঞ্চলৰ পৰা 2019 শিক্ষাবৰ্ষৰ উচ্চ আৰু উচ্চতৰ মাধ্যমিক চূড়ান্ত পৰীক্ষাত 80 শতাংশ ও তাতোধিক নম্বৰ লাভ কৰি অঞ্চলটোলৈ গৌৰৱ কঢ়িয়াই অনা 61 গৰাকী কৃতীমান ছাত্ৰ-ছাত্ৰীক ৷

লাহৰীঘাট, 24 জুন: লাহৰীঘাটত কৃতী শিক্ষাৰ্থীসকলক সম্বৰ্ধনা ৷ দেওবাৰে লাহৰীঘাটত উদ্দীপন সমন্বয় গোষ্ঠীৰ উদ্যোগত সম্বৰ্ধনা জনোৱা হয় বৃহত্তৰ অঞ্চলৰ পৰা 2019 শিক্ষাবৰ্ষৰ উচ্চ আৰু উচ্চতৰ মাধ্যমিক চূড়ান্ত পৰীক্ষাত 80 শতাংশ ও তাতোধিক নম্বৰ লাভ কৰি অঞ্চলটোলৈ গৌৰৱ কঢ়িয়াই অনা 61 গৰাকী কৃতীমান ছাত্ৰ-ছাত্ৰীক ৷ কৃতী ছাত্ৰ-ছাত্ৰীসকলক এখন ফুলাম গামোচা, এখন মানপত্ৰ আৰু কিতাপৰ টোপোলাৰে সম্বৰ্ধনা জনোৱাৰ লগতে অভিভাৱক সকলকো একোখনকৈ ফুলাম গামোচাৰে সম্বৰ্ধনা জনাই গোষ্ঠীটোৱে ৷ উক্ত অনুষ্ঠানটোত মৰিগাঁও জিলাৰ উপায়ুক্ত ঋতুৰাজ বৰা,আৰক্ষী অধীক্ষক স্বপ্ননীল ডেকা, মায়ং আঞ্চলিক মহাবিদ্যালয়ৰ প্ৰবক্তা ড০ উৎপল নাথ, বিশিষ্ট সাংবাদিক নজৰুল ইছলাম, বিশিষ্ট চিকিৎসক ড০ জিয়া উল হকৰ লগতে উপস্থিত থাকে কেইবা শতাধিক শিক্ষাৰ্থীৰ লগতে স্থানীয় বহু সংখ্যক লোক ৷ উল্লেখ্য যে, উক্ত অনুষ্ঠানতে লাহৰীঘাট অঞ্চলৰ জেষ্ঠ্য নাগৰিক লয়ৰাম ডেকা, সফল কৃষক আফাজ উদ্দিন, ‌সফল অভিভাৱক ফজলুল ইছলাম, যুৱ উদ্যোগী নুৰুল হুদা, যুৱ সমাজ সেৱক নেকিবুল হকক বিশেষভাৱে সম্বৰ্ধনা জনোৱা হয় ।