মৰিগাঁৱৰ দীঘলবড়ীত বানাক্ৰান্তৰ ওচৰত বিধায়িকা আঙুৰলতা

মৰিগাঁৱৰ দীঘলবড়ীত উপস্থিত হৈ প্ৰথমে অঞ্চলটোৰ মহিলা সকলৰ লগত মতবিনিময় কৰি বান পৰিস্থিতি বুজ লয় বিধায়িকা গৰাকীয়ে ৷

মৰিগাঁও, 16 জুলাই: ৰাজ্যত বৰ্তমানেও অপৰিবৰ্তিত বান পৰিস্থিতি ৷ বানত প্লাবিত হৈছে ৰাজ্যৰ ন ন অঞ্চল ৷ সোমবাৰে বানাক্ৰান্ত লোকৰ দুখ দুৰ্দশাৰ বুজ লয় বিধায়িকা আঙুৰলতাই ৷ মৰিগাঁৱৰ দীঘলবড়ীত উপস্থিত হৈ প্ৰথমে অঞ্চলটোৰ মহিলা সকলৰ লগত মতবিনিময় কৰি বান পৰিস্থিতি বুজ লয় বিধায়িকা গৰাকীয়ে ৷ বটদ্ৰৱা সমষ্টিৰ বিধায়িকা গৰাকীক পৰিদৰ্শনৰ সময়ত সংগ দিয়ে স্থানীয় বিধায়ক ৰমাকান্ত দেউৰীৰ লগতে অঞ্চলটোৰ ৰাইজে ৷ মৰিগাঁও উপায়ুক্ত গৰাকীক বানাক্ৰান্ত ৰাইজক সাহাৰ্য প্ৰদানৰ লগতে যাৱতীয় সকলো ব্যৱস্থা গ্ৰহণৰ বাবে যোগাযোগ কৰে বিধায়িকা আঙুৰলতাই ৷