মৰিগাঁও,7 নৱেম্বৰ: অত্যাৱশ্যকীয় সামগ্ৰীৰ মূল্যবৃদ্ধিৰ বিৰুদ্ধে ৰাজ্যজুৰি অব্যাহত আছে তীব্ৰ প্ৰতিবাদ ৷ মূল্য বৃদ্ধিৰ বিৰুদ্ধে মৰিগাঁৱত সদৌ মৰিগাঁও জিলা ছাত্ৰ সন্থাৰ বিক্ষোভ কাৰ্যসূচী ৷ শনিবাৰে সদৌ অসম ছাত্ৰ সন্থাৰ কেন্দ্ৰীয় সমিতিৰ নিৰ্দেশ মৰ্মে মৰিগাঁও জিলা সমিতিৰ লগতে মৰিগাঁও ভূৰবন্ধাটো ভূৰবন্ধা আঞ্চলিক ছাত্ৰ সন্থাৰ নেতৃত্বত ৰূপায়ণ কৰে বিক্ষোভ কাৰ্যসূচী ৷
নিত্য ব্যৱহাৰ্য সামগ্ৰীৰ মূল্য বৃদ্ধিয়ে জ্বলা-কলা খুৱাইছে জনসাধাৰন ৰাইজক ৷ অত্যাৱশ্যকীয় সামগ্ৰীৰ অস্বাভাৱিক মূল্য বৃদ্ধি ৰোধ কৰাত সম্পূৰ্ণৰূপে ব্যৰ্থ হৈছে পৰিৱৰ্তনকামী বিজেপি চৰকাৰ ৷ যোগান মন্ত্ৰী গৰাকীৰ চৰম ব্যৰ্থতাক একে মুখে ধিক্কাৰ দিছে সাধাৰণ ৰাইজে ৷ মহামাৰী ক'ৰণাৰ দীঘলীয়া ল'কডাউনে আৰ্থিক ভাৱে দুৰ্ৱল কৰিছে জনতাক ৷ তাৰ মাজতে অত্যাৱশ্যকীয় সামগ্ৰীৰ অস্বাভাৱিক মূল্য বৃদ্ধিয়েও কোঙা কৰি পেলাইছে ৰাজ্যবাসীক ৷