মাজুলীত মুখ্যমন্ত্ৰীয়ে বুজ ল'লে বিভিন্ন বিভাগৰ কামৰ অগ্ৰগতি - Sarbananda Sonowal on majuli on ocasion of kati bihu
বাপুতি সাহোন কাতি বিহুৰ দিনাই নিজ সমষ্টি মাজুলীত উপস্থিত মুখ্যমন্ত্ৰী সৰ্বানন্দ সোণোৱাল ৷ মাজুলীত উপস্থিত হৈ নদীদ্বীপটোত অসম সচিবালয়ৰ আৰ্হিত নিৰ্মীয়মান ভৱনৰ কামৰ অগ্ৰগতিৰ বুজ লয় মুখ্যমন্ত্ৰী গৰাকীয়ে ৷
মাজুলী,18 অক্টোবৰ: এইবাৰ কাতি বিহু নিজ সমষ্টি মাজুলীত পালন কৰিলে মুখ্যমন্ত্ৰী সৰ্বানন্দ সোণোৱালে ৷ শুকুৰবাৰে বিহুৰ দিনটোত মাজুলীত উপস্থিত হৈ নদী দ্বীপটোত চলি থকা অসম সচিবালয়ৰ আৰ্হিত নিৰ্মীয়মান ভৱনৰ কামৰ অগ্ৰগতিৰ বুজ লয় মুখ্যমন্ত্ৰী গৰাকীয়ে ৷ ইয়াৰোপৰি নিজ সমষ্টিৰ বিভিন্ন অঞ্চলত চলি থকা বিভিন্ন কামৰ অগ্ৰগতিৰ খতিয়ান লয় মুখ্যমন্ত্ৰী সৰ্বানন্দ সোণোৱালে ৷ নতুনকৈ নিৰ্মাণ হৈ থকা মাজুলীৰ উপায়ুক্ত ভৱনৰ লগতে গড়কাপ্তানী বিভাগৰ নিৰ্মীয়মাণ কাৰ্যালয় পৰিদৰ্শন কৰি বহাগ বিহুৰ পূৰ্বে এই ভৱন দুটাৰ নিৰ্মাণ কাৰ্য সম্পূৰ্ণ কৰিবলৈ নিৰ্দেশ দিয়ে মুখ্যমন্ত্ৰী সৰ্বানন্দ সোনোৱালে ৷ ইফালে সাংবাদিকৰে মুখামুখিত মাজুলীত চিকিৎসকৰ বাবে আৱাস গৃহৰ লগতে সাংবাদিকৰ নিৰাপত্তাৰ বিষয়টো সমাধানৰ আশ্বাস দিয়ে মুখ্যমন্ত্ৰী গৰাকীয়ে ৷ উল্লেখযোগ্য যে, ভ্ৰমণকালত মুখ্যমন্ত্ৰী গৰাকীয়ে মাজুলী জিলাত নতুন উপায়ুক্তৰ কাৰ্যালয়ৰ লগতে আৰক্ষী আউট পোষ্টৰ দিহা কৰাৰো নিৰ্দেশ দিয়ে ৷