কন্দৰ্প কুমাৰ কলিতাৰ গ্ৰন্থ 'প্ৰসংগঃ হোম কোৱাৰেনটাইন' উন্মোচন

উত্তৰ কমলাবাৰী শাখা সাহিত্য সভাৰ উদ্যোগত গড়মূৰ প্ৰেছ ক্লাবত 'শৰতৰ দুপৰীয়া' শীৰ্ষক এখন সাহিত্য সন্মিলন অনুষ্ঠিত হয় ৷ অনুষ্ঠানত কন্দৰ্প কুমাৰ কলিতাৰ গ্ৰন্থ 'প্ৰসংগঃ হোম কোৱাৰেনটাইন' উন্মোচন কৰে মাজুলীৰ জেষ্ঠ নাগৰিক পুনাৰাম নাথে ৷

মাজুলী, 17 নৱেম্বৰঃ উত্তৰ কমলাবাৰী শাখা সাহিত্য সভাৰ উদ্যোগত গড়মূৰ প্ৰেছ ক্লাবত 'শৰতৰ দুপৰীয়া' শীৰ্ষক এখন সাহিত্য সন্মিলন অনুষ্ঠিত হৈ যায় ৷ উত্তৰ কমলাবাৰীৰ শাখা সাহিত্য সভাৰ সম্পাদক শংকুসিদ্ধ নাথে আঁত ধৰা অনুষ্ঠানটিত সভাপতিত্ব কৰে বিশিষ্ট সত্রীয়া শিল্পী মুহিকান্ত বৰা বৰবায়নে ৷ অনুষ্ঠানটি উদ্ধোধন কৰে জেংৰাইমুখ মহাবিদ্যালয়ৰ প্ৰাক্তন অধ্যক্ষ ড০ কমলাকান্ত দত্তই ৷

কন্দৰ্প কুমাৰ কলিতাৰ গ্ৰন্থ 'প্ৰসংগঃ হোম কোৱাৰেনটাইন' উন্মোচন

ইয়াৰ পিচতে লেখক কন্দৰ্প কুমাৰ কলিতাৰ গ্ৰন্থ 'প্ৰসংগঃ হোম কোৱাৰেনটাইন' উন্মোচন কৰে মাজুলীৰ জেষ্ঠ নাগৰিক পুনাৰাম নাথে ৷ অসম সাহিত্য সভাৰ প্ৰাক্তন কেন্দ্ৰীয় কাৰ্যনিৰ্বাহক সদস্য তথা ৰঙাচাহী মহাবিদ্যালয়ৰ প্ৰতিষ্ঠাপক অধ্যক্ষ ৰামসাগৰ নাথ মুখ্য অতিথি হিচাপে উপস্থিত থকা সভাখনত মাজুলী জিলাৰ সাহিত্য সভাৰ সম্পাদক মনোজ্যোতি ৰেগন, ৰমেশ চন্দ্ৰ শইকীয়া, গড়মূৰ প্ৰেছ ক্লাবৰ সভাপতি অৰুণ বৰা, অসম সাহিত্য সভা ৰামধেনু সমিতিৰ সহযোগী আহ্বায়ক কন্দৰ্প কুমাৰ কলিতা আদি ব্যক্তিসকলেও অংশগ্ৰহন কৰে ৷

এই উপলক্ষে আয়োজন কৰা সাংস্কৃতিক অনুষ্ঠানটোত গীত পৰিবেশন আৰু কবিতা অবৃ্ত্তি কৰে কবি সাংবাদিক পাপু বৰা, জয়ন্ত হাজৰিকা, কৃষাৰাণী বৰুৱা, শিক্ষক ডিম্বেশ্বৰ ভূঞা, বৰ্ণালী বৰা ভূঞা, লক্ষী প্ৰসাদ ৰেগন আৰু সমীৰজিত কলিতা, মৃগাংক নাথ, ৰুণমণি শইকীয়া, গোলাপ চন্দ্ৰ নাথ আদিয়ে ৷