লখিমপুৰ, 15 নৱেম্বৰঃ অসম দিৱসৰ দিনটোতে বিশিষ্ট অভিনেতা নিপন গোস্বামীলৈ প্ৰদান কৰা হ'ব চাউলুং চুকাফা বৰ অসম সম্প্ৰীতি বঁটা ৷ অভিনেতাগৰাকীক এই বঁটা প্ৰদান কৰিব চাউলুং চুকাফা বৰ অসম উদযাপন সমিতিয়ে ৷ শুকুৰবাৰে লখিমপুৰত এখন সংবাদমেল সম্বোধন কৰি এই কথা সদৰী কৰে উদযাপন সমিতিয়ে ৷
2 ডিচেম্বৰৰ দিনটোত লখিমপুৰৰ ত্যাগ ক্ষেত্ৰত দিনযোৰা কাৰ্যসূচীৰে অনুষ্ঠিত হ'ব অসম দিৱস ৷ টাই আহোম যুৱ পৰিষদ, অসম জাতীয়তাবাদী যুৱ পৰিষদে অনুষ্ঠিত কৰিবলগীয়া অসম দিৱসৰ কাৰ্যসূচীত নগদ 25 হাজাৰ টকা, এখন হেঙদাং, এখন চেলেঙৰে সন্মানিত কৰা হ'ব অভিনেতা নিপন গোস্বামী ৷
চাউলুং চুকাফা বৰ অসম উদযাপন সমিতিৰ সংবাদমেল