লখিমপুৰ, 27 আগষ্টঃ এগৰাকী ভাস্কৰ্য্য শিল্পী । লখিমপুৰ জিলাৰ তেলীয়া গাঁৱৰ তপন মালাকাৰ নামৰ এইগৰাকী ব্যক্তিৰ হাতৰ পৰশত প্ৰাণ পাই উঠিছে ভাস্কৰ্য্য শিল্পৰ এক অভূতপূৰ্ব নিদৰ্শন । চিমেন্ট, কাঠ আৰু কাগজ, তামোলৰ ঢকুৱাকে আদি কৰি বিভিন্ন পেলনীয়া সামগ্ৰীৰে মালাকাৰে নিৰ্মান কৰি উলিয়াইছে বিভিন্ন সুদৃশ্য প্ৰতিমূৰ্তি । প্ৰচাৰবিমুখ এইগৰাকী শিল্পীয়ে 1994 চনৰ পৰাই একক প্ৰচেষ্টাৰে গঢ়ি তুলিছে শিল্প কলাৰ এক লাভজনক উদ্যোগ । মালাকাৰৰ সৃষ্টিৰাজীক এবাৰ চকুৰে প্ৰত্যক্ষ কৰাৰ বাবে তেওঁৰ বাসগৃহলৈ দৈনিক সোঁত বৈছে অজস্ৰ লোকৰ । শিল্পীগৰাকীয়ে নিৰ্মান কৰা প্ৰতিমূৰ্তিসমূহ ক্ৰয় কৰাৰ বাবে দৈনিক বহু লোকে যোগাযোগ কৰে বুলিও জানিবলৈ দিয়ে মালাকাৰে ।
লখিমপুৰৰ ভাস্কৰ্য শিল্পীৰ অনন্য নিদৰ্শন, পেলনীয়া সামগ্ৰীৰে সাজি উলিয়ালে সুদৃশ্য প্ৰতিমূৰ্তি