নাৰায়ণপুৰত মাহ-প্ৰসাদ খাই অসুস্থ কেইবাগৰাকীও লোক

নাৰায়ণপুৰৰ সাউকুছি গাঁৱত মাহ-প্ৰসাদত বিষক্ৰিয়াৰ(Food poisoning in Narayanpur)ঘটনা সংঘটিত হৈছে । বৰতীয়াৰ প্ৰসাদ খাই অসুস্থ হৈ পৰিছে কেইবাগৰাকী লোক । ইপিনে,কেইদিনমান পূৰ্বে নাৰায়ণপুৰৰ পানবাৰীত মাহ-প্ৰসাদত বিষক্ৰিয়াৰ ঘটনা সংঘটিত হৈছিল ।

বিহপুৰীয়া, ১১ ছেপ্টেম্বৰ:লখিমপুৰ জিলাৰ নাৰায়ণপুৰত অঘটন (Food poisoning in Narayanpur)। পুনৰ নাৰায়ণপুৰৰ সাউকুছি গাঁৱত মাহ-প্ৰসাদত বিষক্ৰিয়াৰ ঘটনা সংঘটিত হৈছে । কেইদিনমান পূৰ্বে নাৰায়ণপুৰৰ পানবাৰীত এনে ঘটনা সংঘটিত হোৱাৰ আতংক মাৰ নৌ যাওঁতেই পুণৰ সংঘটিত হৈছে এনে ঘটনা । বৰতীয়াৰ প্ৰসাদ খাই অসুস্থ হৈ পৰিছে কেইবাগৰাকী লোক ।

সাউকুছি গাঁৱৰ বুবুমণি ৰাই ভূঞাৰ ঘৰত মৃতকৰ বৰতীয়াৰ প্ৰসাদ খাই অসুস্থ হৈ পৰিছে দহগৰাকীৰো অধিক লোক । অধিকাংশ বৰ্তমান লখিমপুৰ চিকিৎসা মহাবিদ্যালয়ত(People admitted in Lakhimpur Medical College) চিকিৎসাধীন হৈ আছে । তদুপৰি ঘৰতো কেইবাগৰাকী লোক চিকিৎসাধীন হৈ আছে বুলি জানিব পৰা গৈছে ।

উল্লেখ্য় যে আক্ৰান্ত লোকসকলৰ বমি,পেটৰ বিষ,মূৰৰ বিষ,শৌচ হোৱাৰ পিছত দূৰ্বল হোৱা বাবে তেওঁলোকক নাৰায়ণপুৰ মহাত্মা গান্ধী আদৰ্শ চিকিৎসালয়ত (Narayanpur Mahatma Gandhi Model Hospital)ভৰ্তি কৰোৱা হয় । অৱশ্য়ে পিছত তেওঁলোকক উন্নত চিকিৎসাৰ বাবে লখিমপুৰলৈ প্ৰেৰণ কৰে চিকিৎসকে ।

ইপিনে,কেইদিনমান পূৰ্বে নাৰায়ণপুৰৰ পানবাৰীত মাহ প্ৰসাদত বিষক্ৰিয়াৰ ঘটনা সংঘটিত হৈছিল । ভাদ মাহৰ নামৰ প্ৰসাদ খাই অসুস্থ হৈছিল গাঁওখনৰ প্ৰায় ৬০ গৰাকীকৈ লোক । আক্ৰান্ত লোকসকলৰ বমি,পেটৰ বিষ,মূৰৰ বিষ,শৌচ হোৱাত তেওঁলোকক নাৰায়ণপুৰ মহাত্মা গান্ধী আদৰ্শ চিকিৎসালয়ত ভৰ্তি কৰোৱা হৈছিল (Many people suffer from food poisoning)।

লগতে পঢ়ক:টীয়কত ২২১ জন ৰোগীৰ মাজত চেক বিতৰণ