বিহপুৰীয়া, 25 মে’: মঙলবাৰে পুৱাই নাৰায়ণপুৰস্থিত দেউৰী স্বায়ত্ব শাসিত পৰিষদৰ কাৰ্যালয়ত উপস্থিত হয় মন্ত্ৰী ডাঃ ৰনোজ পেগু । দেউৰী স্বায়ত্ব শাসিত পৰিষদৰ কাৰ্যালয়ত উপস্থিত হৈ নৱ গঠিত চৰকাৰখনৰ ভৈয়াম জনজাতি উন্নয়ন দপ্তৰৰ মন্ত্ৰী গৰাকীয়ে পাৰিষদ সকলৰ সৈতে আলোচনাত মিলিত হয় ।
নাৰায়ণপুৰস্থিত দেউৰী স্বায়ত্ব শাসিত পৰিষদৰ কাৰ্যালয়ত উপস্থিত মন্ত্ৰী ৰনোজ পেগু
উল্লেখ্য যে, নতুন চৰকাৰখনে দায়িত্ব গ্ৰহণ কৰাৰ পিছতে ৰাজ্যৰ স্বায়ত্ব শাসিত পৰিষদসমূহ শক্তিশালী আৰু শৃংখলাবদ্ধ কৰাৰ লক্ষ্য স্থিৰ কৰাৰ কথা সদৰি কৰে মন্ত্ৰী গৰাকীয়ে । তাৰেই অংশ হিচাপে ইতিমধ্যে অন্যান্য পৰিষদসমূহৰ লগত আলাপ আলোচনা কৰাৰ সমান্তৰালকৈ দেউৰী স্বায়ত্ব শাসিত পৰিষদৰ নেতৃবৃন্দৰ লগতো আলোচনাত মিলিত হয় মন্ত্ৰী গৰাকী ।