লখিমপুৰ, 27 অক্টোবৰ :লখিমপুৰৰ বগীনদীত বুধবাৰে 5 গৰাকীকৈ নকল সোণৰ ব্যৱসায়ীৰ সহ গ্ৰাহকক হাতে-লোটে আটক কৰে বগীনদী আৰক্ষীয়ে ৷ জানিব পৰা মতে, কদম উচ্চতৰ মাধ্যমিক বিদ্যালয়ৰ সন্মুখত ধৃত লোক কেইজনক আটক কৰে আৰক্ষীয়ে ৷ ধৃত লোক কেইজন ক্ৰমে, খাজানুৰ ৰহমান, হৰিপুৰ ৰাজআলি গাঁৱৰ জামালুৰ ৰহমান আৰু বগীনদী আৰক্ষী থানাৰ অন্তৰ্গত কদম টেঙাবস্তি গাঁৱৰ আতাউৰ ৰহমান ৷ ইয়াৰ লগতে বেগম উপাধিৰ এগৰাকী মহিলাকো আটক কৰিছে আৰক্ষীয়ে ৷
নকল সোণ সৰবৰাহৰ লগত জড়িত 5 গৰাকীক আটক বগীনদী আৰক্ষীৰ
আৰক্ষীৰ সূত্ৰই সদৰী কৰা মতে, নকল সোণখিনি ক্ৰয় কৰিবলৈ আহিছিল পশ্চিম বংগৰ স্বপন দেৱনাথ নামৰ এগৰাকী লোকে ৷ সোণ ক্ৰয় কৰাৰ বাবে কথা-বতৰা চলি থকাৰ সময়তে গ্ৰাহক দেৱনাথকো আটক কৰে বগীনদী আৰক্ষীয়ে ৷ ইফালে, নকল সোণৰ ব্যৱসায় চলাই থকা চক্ৰটোৰ পৰা এখন চাৰিচকীয়া বাহন জব্দ কৰিছে আৰক্ষীয়ে ৷ বাহনখনৰ নম্বৰ হৈছে AR-01E-6025 ৷