বিহপুৰীয়া,16মাৰ্চ: নিৰ্বাচনৰ দিন যিমানেই চমু চাপি আহিছে ৰাজ্যত সিমানেই বৃদ্ধি পাইছে হিংসাত্মক ঘটনা ৷ ক'ৰবাত যদি বিজেপি প্ৰাৰ্থীক প্ৰহাৰ, ক'ৰবাত আকৌ ৰাইজৰ দলৰ প্ৰাৰ্থীক প্ৰহাৰ ৷ সোমবাৰে তেনে এক ঘটনাৰে পুনৰাবৃত্তি ঘটিল নাৰায়ণপুৰৰ তৰাজুলিৰ ন-পমুৱা গাঁৱত ৷ ৰাইজৰ দলৰ বিহপুৰীয়া সমষ্টিৰ প্ৰাৰ্থী অনুপ শইকীয়াৰ এক নিৰ্বাচনী প্ৰচাৰ সভাৰ পৰা দুজন সমৰ্থকে ঘৰলৈ গৈ থকাৰ সময়তে কোনো দুৰ্বৃত্তই আক্ৰমণ কৰে ৷
নাৰায়ণপুৰত ৰাইজৰ দলৰ সমৰ্থকক দুৰ্বৃত্তৰ আক্ৰমণ
প্ৰাপ্ত খবৰ অনুসৰি, নিৰ্বাচনী প্ৰচাৰ সভাত অংশগ্ৰহণ কৰি ঘৰলৈ গৈ থকাৰ অৱস্থাতে ৰাইজৰ দলৰ তোষেশ্বৰ লেখাৰু আৰু দেৱেশ্বৰ লেখাৰু নামৰ দুজন সমৰ্থকক দূৰ্বত্তই কোৰেৰে প্ৰহাৰ কৰে ৷ যাৰ ফলত গুৰুতৰ ভাৱে আহত কৰে লোক দুজন ৷ আঘাত প্ৰাপ্ত হোৱা দুয়োজনকে ভৰ্তি কৰা হয় চিকিৎসালয়ত ৷ ইতিমধ্যে এই ঘটনা সন্দৰ্ভত নাৰায়ণপুৰ আৰক্ষী থানাত অভিযুক্তৰ বিৰুদ্ধে ৰুজু কৰা হৈছে গোচৰ ৷