23তম সদৌ অসম আন্তঃজিলা উশ্বু চেম্পিয়নশ্বিপৰ সফল সামৰণি

কোকৰাঝাৰ চাই ইণ্ডৰ ষ্টেডিয়ামত যোৱা 18 জুলাইৰ পৰা অনুষ্টিত হোৱা "23তম পুৰুষ-মহিলা সদৌ অসম আন্তঃ জিলা উশ্বু চেম্পিয়নশ্বিপৰ সফল সামৰণি’’ ৷

কোকৰাঝাৰ, 22 জুলাইঃকোকৰাঝাৰত সফলভাৱে অন্ত পৰিল 23 তম সদৌ অসম আন্তঃজিলা উশ্বু চেম্পিয়নশ্বিপৰ ৷ অসম উশ্বু সন্থা আৰু কোকৰাঝাৰ জিলা উশ্বু সন্থা উদ্যোগত অনুষ্ঠিত হোৱা এই আন্তঃজিলা উশ্বু প্ৰতিযোগিতাৰ চান্দা শাখাত 9 টা সোণৰ পদকেৰে শ্ৰেষ্ঠ দলৰ খিতাপ দখল কৰিবলৈ সক্ষম হয় অসম পুলিচে। ইপিনে 3 টা সোণ,2 টা ৰূপ আৰু 3 টা ব্ৰঞ্জৰ পদক লাভ কৰি দ্বিতীয় স্থান লাভ কৰে গোলাঘাট জিলাই ৷ আনহাতে চাওলো শাখাত শ্ৰেষ্ঠ দলৰ খিতাপ লাভ কৰে কামৰূপে ৷ ইপিনে এই শাখাত দ্বিতীয় স্থানত থাকে ডিব্ৰুগড় ৷

উল্লেখ্য যে,এই প্ৰতিযোগিতাত ভাল প্ৰদৰ্শন কৰিবলৈ সক্ষম হোৱা খেলুৱৈ সকলে ৰাষ্ট্ৰীয় খেলত অংশগ্ৰহণ কৰাৰ সুযোগ লাভ কৰিব বুলি উল্লেখ কৰে অসম উশ্বু সন্থাই । এই প্ৰতিযোগিতাত বিধায়ক ৰাবিৰাম নাৰ্জাৰী,অসম উচু সন্থাৰ সম্পাদক ৰঞ্জিত বড়োকে ধৰি বহু ব্যক্তি উপস্থিত থাকে।