কোকৰাঝাৰ, 16 ছেপ্তেম্বৰঃ বাগিছাখনত কৰ্মৰত হৈ থকা চাহ শ্ৰমিকৰ মজুৰি বৃদ্ধি কৰিবলৈ বহু বছৰ ধৰি শ্ৰমিকসকলে মালিক পক্ষ তথা চৰকাৰক দাবী জনাই আহিছে । শ্ৰমিকৰ উক্ত দাবীৰ প্ৰতি মালিক পক্ষ আৰু ৰাজ্য চৰকাৰে কোনো গুৰুত্ব নিদিয়াৰ ফলত মৰনৈ বাগিচাত বুধবাৰে এঘণ্টীয়া অৱস্থান কাৰ্যসূচী ৰূপায়ন কৰে ।
উল্লেখযোগ্য যে, বুধবাৰে পুৱা মৰনৈ চাহ বাগিচাৰ মুখ্য কাৰ্যালয়ৰ সন্মুখত শ্ৰমিকসকলে এঘণ্টীয়া ধৰ্ণা কাৰ্যসূচী ৰূপায়ন কৰি ১৬৭ টকাৰ পৰা ৩৫১ টকালৈ শ্ৰমিকৰ মুজুৰি বৃদ্ধিৰ দাবী জনায় ৷ প্ৰতিবাদস্থলীত শ্ৰমিকসকলে বিজেপি চৰকাৰ হায় হায়, মালিক পক্ষ হায় হায়, মালিক পক্ষ মিছলীয়া, আমাৰ দৰমহা বৃদ্ধি কৰক আদি শ্ল'গানেৰে পৰিবেশ উত্তাল কৰি তোলে । ইপিনে উক্ত দাবী পূৰণ নকৰিলে ২০২১ চনৰ বিধানসভা নিৰ্বাচনত অসম চাহ মজদুৰ সংঘই বিজেপিক উচিত প্ৰত্যুত্তৰ দিব বুলি সংঘৰ বিষয়ববীয়াই জানিবলৈ দিয়ে ।
লগতে পঢ়কঃ'পথাৰ আমাৰ বজাৰ আমাৰ' ধাৰণাৰে এজন আদৰ্শ কৃষকৰ 30 বছৰীয়া যাত্ৰা